എംടിയുടെ നോവലായ രണ്ടാമൂഴം ആയിരം കോടി മുതല്മുടക്കില് പ്രഖ്യാപിച്ച സിനിമയായിരുന്നു. വ്യവസായി ബി ആര് ഷെട്ടി നിര്മിക്കുന്ന ചിത്രം ശ്രീകുമാര് മേനോന് ആണ് സംവിധാനം ചെയ്യുമെന്നറിയിച്ചിരുന്നത്. ഏവരും പ്രതീക്ഷയോടെ കാത്തിരുന്ന ചിത്രം പിന്നീട് വിവാദങ്ങളില് പെടുകയായിരുന്നു. സിനിമ യാഥാര്ത്ഥ്യമാകുമെന്ന പ്രതീക്ഷയാണ് സംവിധായകന് ശ്രീകുമാര് മേനോന്. ചിത്രത്തില് ഭീമന്റെ വേഷത്തില് എത്തുന്നത് മോഹന്ലാല് ആയിരിക്കുമെന്നായിരുന്നു റിപ്പോര്ട്ടുകള്. ഇതേ കുറിച്ച് ഉന്നയിച്ച ചോദ്യത്തില് പ്രതികരിച്ചിരിക്കുകയാണ് മോഹന്ലാല്.
രണ്ടാമൂഴം എന്ന ചിത്രത്തില് ഭീമനായി അഭിനയിക്കുമെന്നു താനൊരിക്കലും ഒരിടത്തും പറഞ്ഞിട്ടില്ലെന്ന് മോഹന്ലാല് വ്യക്തമാക്കി. ഇതു സംബന്ധിച്ച വാര്ത്തകള് പലതും വന്നിരുന്നു. എന്നാല് ചിത്രം യാഥാര്ഥ്യമാകുമോ എന്ന കാര്യത്തില് മറ്റെല്ലാവരെയും പോലെ ആശങ്കയുണ്ടെന്നും പറഞ്ഞു. ഇതൊരു വലിയ ചോദ്യചിഹ്നമായി മുന്നില് നില്ക്കുന്നു. സിനിമയെന്നത് സംഭവിക്കുന്ന ഒരു കാര്യമാണ്. അഭിനയിച്ചു കഴിഞ്ഞു മാത്രമേ അക്കാര്യം പറയാനാകൂ. നടനെന്ന നിലയില് അതു യാഥാര്ഥ്യമാകട്ടെ എന്നു പ്രാര്ഥിക്കുന്നുവെന്നും അദ്ദേഹം കൂട്ടിച്ചേര്ത്തു.
മോഹന്ലാലിനെ നായകനാക്കി പൃഥ്വിരാജ് സംവിധാനം ചെയ്ത ലൂസിഫര് എന്ന ചിത്രത്തിന്റെ ട്രെയിലറിന്റെ ഗ്ലോബല് ലോഞ്ചിങിലായിരുന്നു ഈ പ്രതികരണം. ലൂസിഫറിനെക്കുറിച്ച് തനിക്കു വലിയ അവകാശവാദമൊന്നുമില്ലെങ്കിലും അഭിനേതാവെന്ന നിലയില് സന്തോഷം തോന്നുന്നുവെന്നും അദ്ദേഹം പറഞ്ഞു. നടി മഞ്ജുവാരിയര്, നടന് ടൊവീനൊ തോമസ്, മുരളി ഗോപി, നിര്മാതാവ് ആന്റണി പെരുമ്പാവൂര് എന്നിവരും ചടങ്ങില് പങ്കെടുത്തു. ചിത്രം ഈ മാസം 28-നാണ് റിലീസ് ചെയ്യുന്നത്.
