വീട്ടില് കയറി വധഭീഷണി മുഴക്കിയവര്ക്കെതിരേ കൂടുതല് തെളിവുകള് പുറത്തുവിട്ട് നടി ശ്രീ റെഡ്ഡി. അക്രമികള് അതിക്രമിച്ച് കയറുന്നതിന്റെയും ഭീഷണി മുഴക്കുന്നതിന്റെയും ദൃശ്യങ്ങളാണ് താരം പുറത്തുവിട്ടത്. പണമിടപാടുകാരനായ സുബ്രഹ്മണ്യനും സഹായിയുമാണ് ഇതിന് പിന്നിലെന്ന് കാട്ടി ശ്രീറെഡ്ഡി പോലീസില് പരാതി നല്കിയിരുന്നു. ഇതിന് പിന്നാലെയാണ് ഇവരുടെ ദൃശ്യങ്ങളും താരം പുറത്തുവിട്ടത്.
ഒരു സിനിമയുമായി ബന്ധപ്പെട്ട ചര്ച്ചക്കാണെന്ന വ്യാജേന മാര്ച്ച് 21ന് രാത്രി 11.30ക്ക് കാണണമെന്നാവശ്യപ്പെട്ട് ഇയാള് വീട്ടിലെത്തിയെന്ന് ശ്രീ റെഡ്ഡി പറയുന്നു. വിസമ്മതിച്ചപ്പോള് മാനേജരെ ഉപദ്രവിച്ചു. തന്നെ പ്രണയിക്കണമെന്നും ഇല്ലെങ്കില് മാനേജരെ കൊന്നുകളയുമെന്നും ഇയാള് ഭീഷണിപ്പെടുത്തിയതായും ശ്രീ റെഡ്ഡി പറയുന്നു. സിസി ടിവി ദൃശ്യങ്ങള്ക്കൊപ്പം ഫോണ്സംഭാഷണങ്ങളും അവര് പുറത്തുവിട്ടിട്ടുണ്ട്.
