'അങ്കമാലി ഡയറീസ്’ എന്ന മലയാള ചിത്രത്തിലൂടെ വന്ന് പ്രേക്ഷകരുടെ മനം കവര്ന്ന നടനാണ് ആന്റണി വര്ഗീസ്. ചിത്രത്തിലെ കഥാപാത്രത്തിന്റെ പേരിലാണ് പിന്നീട് താരം അറിയപ്പെട്ടിരുന്നത്. സാധാരണ വീട്ടില് നിന്നും സിനിമയിലേക്ക് എത്തിയതാണ് താനെന്ന് മുമ്പ് പറഞ്ഞിട്ടുണ്ട്. തൊഴിലാളി ദിനാശംസകള് നേര്ന്ന് തന്റെ അച്ഛന്റെ ചിത്രം പങ്കുവെച്ചുള്ള അദ്ദേഹത്തിന്റെ കുറിപ്പും ശ്രദ്ധേയമാവുകയാണിപ്പോള്.
ഓട്ടോ ഡ്രൈവറായ അച്ഛന്റെ ചിത്രം പോസ്റ്റ് ചെയ്താണ് ആന്റണി തൊഴിലാളിദിന ആശംസകള് നേര്ന്നിരിക്കുന്നത്. അപ്പനാണ്, ഉച്ചക്ക് ഓട്ടം കഴിഞ്ഞു ചോറുണ്ണാന് വന്നപ്പോള് നിര്ബന്ധിപ്പിച്ചു ക്യാമറയ്ക്ക് മുന്നില് പിടിച്ചു നിര്ത്തിയതാ....' ആന്റണി ഫേസ്ബുക്കില് കുറിച്ചു.
ആന്റണിയെ അഭിനന്ദിച്ച്് നിരവധി പേരാണ് കമന്റ് ചെയ്തിരിക്കിന്നത്. സ്വാതന്ത്രം അര്ദ്ധരാത്രിയില് എന്ന ചിത്രമാണ് ആന്റണി നായകനായി അവസാനം പുറത്തിറങ്ങിയ ചിത്രം. നിലവില് ലിജോ പെല്ലിശേരിയുടെ ജെല്ലിക്കെട്ട് എന്ന ചിത്രത്തില് അഭിനയിച്ചുകൊണ്ടിരിക്കുന്നു.
