റായ്ബറേലി: പാര്ലമെന്റ് തിരഞ്ഞെടുപ്പ് പ്രചാരണങ്ങള്ക്കായി എത്തുന്ന കോണ്ഗ്രസ് എഐസിസി ജനറല് സെക്രട്ടറി പ്രിയങ്ക ഗാന്ധി വന് ഓളങ്ങളുണ്ടാക്കിയാണ് കടന്നുപോകുന്നത്. പ്രചാരണങ്ങള്ക്കിടെ പ്രസന്ന മുഖത്തോടെ വിമര്ശനങ്ങള് ഉയര്ത്തുന്ന പ്രിയങ്ക ഗാന്ധി എന്ന വ്യക്തിത്വം അമ്പരപ്പിക്കുകയാണ്. സോണിയ ഗാന്ധിയുടെ മണ്ഡലമായ റായ്ബറേലിയിലെ പ്രചാരണത്തിനിടെ പ്രിയങ്ക ഇപ്പോള് പ്രവര്ത്തകരെ ഉള്പ്പെടെ ഞെട്ടിച്ചിരിക്കുന്നത്.
പാമ്പാട്ടികളുമായി സംവദിക്കുന്നതിനിടെ പ്രിയങ്കയുടെ ദൃശ്യങ്ങളാണ് സാമൂഹ്യമാധ്യമങ്ങളില് വൈറലായിരിക്കുന്നത്. പുറത്ത് കിടക്കുന്ന മൂര്ഖന് പാമ്പിന്റെ തൊട്ടടുത്താണ് പ്രിയങ്ക ഒരു ഭയവും കൂടാതെ ഇരിക്കുന്നത്. പിന്നാലെ പ്രിയങ്ക പാമ്പുകളെ തൊടുന്നതും കൂടയില് എടുത്തുവെയ്ക്കാന് സഹായിക്കുന്നതും വീഡിയോയില് വ്യക്തമാണ്. ഒരു പാമ്പിനെ കയ്യിലെടുത്ത് പിടിച്ച് വളരെ കൂളായി സംസാരിക്കുന്നതും ദൃശ്യമാണ്.
