കൊച്ചി : ജീവനക്കാര് യാത്രക്കാരെ മര്ദിച്ച സംഭവത്തില് കല്ലട ബസ് ഉടമ കല്ലട സുരേഷിനും രണ്ട് ഡ്രൈവര്മാര്ക്കും എറണാകുളം ആര്ടിഒയുടെ നോട്ടീസ്. അഞ്ച് ദിവസത്തിനുള്ളില് തെളിവെടുപ്പിന് ഹാജരാകാനാണ് നിര്ദേശം.
ഹരിപ്പാട് വരെ ഓടിയ ബസിന്റെ ഡ്രൈവറും തുടര്ന്ന് വൈറ്റില വരെ യാത്രക്കാരെ എത്തിച്ച രണ്ടാമത്തെ ബസിന്റെ ഡ്രൈവറും ഹാജരാകണം. എറണാകുളം റീജിയണല് ട്രാന്സ്പോര്ടട് ഓഫീസറുടെ മുന്നിലാണ് തെളിവെടുപ്പിനായി ഹാജരാകേണ്ടത്.
യാത്രക്കാരെ ബസ് ജീവനക്കാര് മര്ദ്ദിച്ച കേസിന്റെ അടിസ്ഥാനത്തില് ഇവര്ക്കെതിരെ നടപടിക്ക് എന്ഫോഴ്സ്മെന്റ് ആര്ടിഎ ശിപാര്ശ ചെയ്തിരുന്നു. ഈ റിപ്പോര്ട്ടിന്റെ അടിസ്ഥാനത്തിലാണ് എറണാകുളം ആര്ടിഒയുടെ നടപടി.
