ജോജു ജോര്ജ്ജ് നായകനായ ജോസഫ് എന്ന സിനിമയിലൂടെയാണ് ബാംഗ്ലൂര് സ്വദേശിയായ മാധുരി ശ്രദ്ധേയയായത്. ജോസഫിലെ നായിക പ്രകടത്തിന് ശേഷം നിരവധി അവസരങ്ങളാണ് മാധുരിയെ തേടിയെത്തുന്നത്. സോഷ്യല് മീഡിയയിലും മാധുരി സജീവമാണ്. മാധുരി കഴിഞ്ഞ ദിവസം തായ്ലന്ഡിലെ ഫുക്കറ്റിലേക്ക് നടത്തിയ വിനോദയാത്രയുടെ ചിത്രങ്ങള് സമൂഹമാധ്യമങ്ങളില് പങ്കുവെച്ചിരുന്നു.
തായ്ലന്ഡിലെ കടല്ത്തീരത്ത് ബിക്കിനി അണിഞ്ഞ് നില്ക്കുന്ന ചിത്രവും ഇതിനൊപ്പം ഉണ്ടായിരുന്നു. ചിത്രം മാധുരി പങ്കു വച്ചതോടെ അശ്ലീലച്ചുവയുള്ള കമന്റുകളും പ്രതികരണങ്ങളും എത്താന് തുടങ്ങി. അശ്ലീലം അതിരു കടന്നതോടെ ശക്തമായ പ്രതികരണവുമായി മാധുരി തന്നെ രംഗത്തു വന്നു. 'ബാത്തിങ് സ്യൂട്ടില് നില്ക്കുന്ന ഒരു അവധിക്കാല ചിത്രം പങ്കു വച്ചാല് ഇതാണോ അവസ്ഥ? വെറുതെ മലയാളികള്ക്ക് നാണക്കേടുണ്ടാക്കരുത്.' - നടി പറഞ്ഞു. ഇതിനു പിന്നാലെ ഈ ചിത്രം മാധുരി നീക്കം ചെയ്യുകയും ചെയ്തു.
ഇപ്പോള് മാധുരി ചിത്രം നീക്കം ചെയ്തത് എന്തിനാണെന്ന് ചോദിക്കുകയാണ് നടി കസ്തൂരി. ''നിന്റെ അവധിക്കാലമാണ്, നിന്റെ ജീവിതമാണ്. നീയാണ് ബിക്കിനി ധരിച്ചിരിക്കുന്നത്. നീ വാങ്ങിയ ബിയറാണ് അത്. പിന്നെന്തിന് ട്രോളുകള്ക്ക് വഴങ്ങി കൊടുക്കണം? എന്തിന് ചിത്രങ്ങള് നീക്കം ചെയ്യണം? ചിലര്ക്ക് വേണ്ടി നഷ്ടപ്പെടുത്താനുള്ളതല്ല സന്തോഷം, സധൈര്യം നീങ്ങൂ'' - മാധുരിയുടെ ചിത്രങ്ങള് പങ്കുവച്ച് കസ്തൂരി പറഞ്ഞു.
