നടന് ബ്രാഡ് പിറ്റിന്റെ പ്രണയവാര്ത്തയാണ് ഇപ്പോള് ഹോളിവുഡിലെ ചര്ച്ച. ബ്രാഡ് പിറ്റ് ആഞ്ജലീനയുമായി വേര്പിരിഞ്ഞതിന് ശേഷം മുന്ഭാര്യയും നടിയുമായ ജെന്നിഫര് ആനിസ്റ്റണുമായി പ്രണയത്തിലാണെന്നാണ് ഹോളിവുഡ് മാധ്യമങ്ങള് പറയുന്നത്. ആഞ്ജലീനയുമായി വേര്പിരിഞ്ഞതിന് ശേഷം ബ്രാഡ് പിറ്റ് ജെന്നിഫറുമായി വീണ്ടും അടുത്തുവെന്നാണ് റിപ്പോര്ട്ടുകള്. ജെന്നിഫറിന്റെ 50-ാം പിറന്നാള് ആഘോഷത്തില് ബ്രാഡ് പിറ്റ് പങ്കെടുത്തിരുന്നു.
2000-ല് വിവാഹിതരായ ബ്രാഡ് പിറ്റും ജെന്നിഫറും 2005-ലാണ് വേര്പിരിഞ്ഞത്. തുടര്ന്ന് ബ്രാഡ് പിറ്റ് ആഞ്ജലീന ജോളിയുമായി പ്രണയത്തിലാകുകയായിരുന്നു. 2005-ല് പുറത്തിറങ്ങിയ മിസ്റ്റര് ആന്റ് മിസ്സിസ് സ്മിത്തിന് ശേഷം ബ്രാഡ് പിറ്റും ആഞ്ജലീനയും ഒരുമിച്ച് താമസിക്കാന് ആരംഭിച്ചു. ഒന്പത് വര്ഷം ഒരുമിച്ച് ജീവിച്ച ശേഷം 2014-ല് ഇവര് വിവാഹിതരായി. എന്നാല് രണ്ട് വര്ഷങ്ങള്ക്ക് ശേഷം തങ്ങള് വേര്പിരിയുകയാണെന്ന് ബ്രാഡ് പിറ്റും ആഞ്ജലീനയും പ്രഖ്യാപിച്ചു. കടുത്ത അഭിപ്രായ വ്യത്യാസങ്ങള് നിറഞ്ഞു നില്ക്കുന്നതിനാല് വിവാഹ ജീവിതം മുന്നോട്ട് നയിക്കാനാകില്ലെന്നാണ് ആഞ്ജലീന കോടതിയില് സമര്പ്പിച്ച അപേക്ഷയില് വ്യക്തമാക്കി.
ജീവ കാരുണ്യ പ്രവര്ത്തനങ്ങളില് സജീവമായിരുന്ന ബ്രാഡ് പിറ്റിനും ആഞ്ജലീനയും. ഇരുവര്ക്കും ആറ് കുട്ടികളാണ്, ഇതില് മൂന്നു കുട്ടികളെ വിയറ്റ്നാം, കംബോഡിയ, എത്യോപ്യ എന്നിവിടങ്ങളില് നിന്ന് ദത്തെടുത്തതാണ്. വിവാഹമോചനത്തിന് ശേഷം കുഞ്ഞുങ്ങളുടെ സംരക്ഷണം തനിക്ക് വിട്ടുതരണമെന്ന് ആഞ്ജലീന കോടതിയില് ആവശ്യപ്പെട്ടു. 2019-ല് കോടതി ഇവര്ക്ക് വിവാഹമോചനം അനുവദിക്കുകയും ചെയ്തു.
