വിശാഖപട്ടണം: ഐ.പി.എല്ലില് ആദ്യ എലിമിനേറ്ററില് ഡല്ഹി ക്യാപിറ്റല്സിനോട് സണ്റൈസേഴ്സ് ഹൈദാബാദ് തോറ്റു പുറത്തായതിനെ തുടര്ന്ന് പൊട്ടിക്കരഞ്ഞ് പരിശീലകന് ടോം മൂഡി. മത്സരശേഷം ഡഗ് ഔട്ടിലിരുന്നാണ് മൂഡി പൊട്ടിക്കരഞ്ഞത്. ഇത് ടെലിവിഷന് ക്യാമറകള് പകര്ത്തുകയും ചെയ്തു.
ഹെദരാബാദ് ഐ.പി.എല്ലിന്റെ തുടക്കത്തില് തുടര്ജയങ്ങളായിരുന്നു. പിന്നീട് തുടര്ച്ചയായി തോല്വിയും നേരിട്ടു. മികച്ച നെറ്റ് റണ്റേറ്റിന്റെ
അടിസ്ഥാനത്തില് കൊല്ക്കത്തയെ പിന്തള്ളി എലിമിനേറ്ററിലെത്തിയ ഹൈദരാബാദിനു ഡല്ഹിക്കെതിരെ വലിയ സ്കോര് നേടാനായില്ല.
Tom Moody. 💔😔 pic.twitter.com/FACKulM7KB
— Mufaddal Vohra (@mufaddal_vohra) May 8, 2019
ഓപ്പണര്മാരായ ജോണി ബെയര്സ്റ്റോയും ഡേവിഡ് വാര്ണറും നല്കുന്ന മികച്ച തുടക്കങ്ങളായിരുന്നു ഹൈദരാബാദിന്റെ കരുത്ത്. ഇരുവരുടേയും ബാറ്റിംഗിന്റെ മികവിലാണ് ടൂര്ണമെന്റിന്റെ തുടക്കത്തില് ഹൈദരാബാദിനു നല്ല പ്രകടനം കാഴ്ചവെയ്ക്കാന് സാധിച്ചത്. എന്നാല് രാജ്യത്തിനു വേണ്ടി കളിക്കാന് ഇരുവരും ടീം വിട്ടതോടെ പലമത്സരങ്ങളിലും ഹൈദരാബാദിനു ജയിക്കാനായില്ല.
നിലില് മനീഷ് പാണ്ഡെ മാത്രമാണ് ഹൈദരാബാദിന്റെ നിരയിലുള്ള ഭേദപെട്ട പ്രകടനം കാഴ്ചവെച്ച ബാറ്റ്സ്മാന്. ഇന്നലെ ആദ്യം ബാറ്റ് ചെയ്ത ഹൈദരാബാദ് 20 ഓവറില് 162 റണ്സെടുത്തപ്പോള് ഒരു പന്ത് ബാക്കി നിര്ത്തി ഡല്ഹി വിജയം കണ്ടു.
