രണ്ടാമൂഴം സിനിമയാക്കുന്നതുമായി ബന്ധപ്പട്ട കേസ് ഹൈക്കോടതിയിലേക്ക്. എഴുത്തുകാരന് എം.ടി വാസുദേവന് നായരും സംവിധായകന് ശ്രീകുമാറും വ്യത്യസ്ത ഹര്ജികളുമായി ഹൈകോടതിയിലെത്തി. സിനിമയുടെ തിരക്കഥ തിരികെ ലഭിക്കാന് എം.ടി നല്കിയ കേസില് തര്ക്കപരിഹാരത്തിനു മധ്യസ്ഥനെ വെയ്ക്കെണമെന്ന ആവശ്യമുന്നയിച്ച് താന് നല്കിയ ഹര്ജി കോടതി തള്ളിയതിനെതിരെയാണ് ശ്രീകുമാര മേനോന്റെ ഹര്ജി. ജില്ലാ കോടതിയുടെ ഉത്തരവില് തര്ക്കം നിലനില്ക്കുന്നുണ്ടെന്ന പരാമര്ശം നീക്കാനാണ് എം.ടി ഹൈക്കോടതിയില് ഹര്ജി നല്കിയിത്.
ശ്രീകുമാര് മേനോന്റെ ഹര്ജി തള്ളിയെങ്കിലും കോഴിക്കോട് ജില്ലാ കോടതിയുടെ ഉത്തരവില് വിഷയത്തില് ഇപ്പോഴും തര്ക്കം നിലനില്ക്കുന്നുണ്ടെന്ന പരാമര്ശമുണ്ടായിരുന്നു. ഇത് നീക്കണമെന്നാവശ്യപ്പെട്ടാണ് എം.ടി ഹൈക്കോടതിയില് ഹര്ജി സമര്പ്പിച്ചിരിക്കുന്നത്. ചിത്രീകരണം അനന്തമായി നീളുന്നതാണ് എംടിയെ ചിത്രത്തില് നിന്ന് പിന്തിരിപ്പിച്ചത്. നാല് വര്ഷം മുന്പാണ് എംടി ചിത്രത്തിന്റെ തിരക്കഥ കൈമാറിയത്. മൂന്ന് വര്ഷത്തേക്കായിരുന്നു തിരക്കഥയുടെ കരാര്. ഇക്കാലയളവിനുള്ളില് സിനിമ പൂര്ത്തിയാക്കുമെന്നായിരുന്നു സംവിധായകന് പറഞ്ഞിരുന്നത്.
എന്നാല് മൂന്ന് വര്ഷത്തിന് ശേഷവും സിനിമയുടെ ചിത്രീകരണം പോലും ആരംഭിച്ചിരുന്നില്ല. ഒരു വര്ഷം കൂടി കരാര് നീട്ടി നല്കിയെങ്കിലും തുടര് നടപടികള് ഉണ്ടായില്ല. മലയാളം, ഇംഗ്ലീഷ് ഭാഷകളിലാണ് എം.ടി തിരക്കഥ നല്കിയത്. എം.ടിയുടേയും ശ്രീകുമാര് മേനോന്റേയും ഹര്ജികള് പരിഗണിക്കുന്നത് ഹൈക്കോടതി ജൂണ് 12-ലേക്ക് മാറ്റി.
