ബംഗലുരു: കര്ണാടക ഭരിക്കുന്ന കോണ്ഗ്രസ്-ജെഡിഎസ് സഖ്യം താഴെ വീണാല് ജെഡിഎസിനെ ഒപ്പം നിര്ത്തി ഭരണം പിടിച്ചെടുക്കില്ലെന്നും വേണ്ടി വന്നാല് പുതിയ തെരഞ്ഞെടുപ്പിനെ നേരിടുമെന്നും ബിജെപി കര്ണാടകാ നേതാവ് ബിഎസ് യദ്യൂരപ്പ. ജെഡിഎസുമായി ചേര്ന്നുള്ള ഒരു ഭരണത്തെ അസാധ്യമായ കാര്യം എന്നാണ് വിശേഷിപ്പിച്ചത്. മറ്റൊരു തെരഞ്ഞെടുപ്പ് നേരിട്ട് പുതിയ സര്ക്കാരുണ്ടാക്കാന് ശ്രമിക്കുമെന്നായിരുന്നു മറുപടി.
ഒരിക്കല് കുമാരസ്വാമിയുമായി ചേര്ന്ന് നടത്തിയ ഭരണത്തില് ദുരനുഭവം ഉണ്ടായതാണ്. അതേ തെറ്റ് ആവര്ത്തിക്കാന് ആഗ്രഹിക്കുന്നില്ല. 2007 ല് അധികാരം ഊഴം വെച്ച് പങ്കുവെയ്ക്കുന്ന രീതിയില് ജെഡിഎസിനൊപ്പം ചേര്ന്ന് സര്ക്കാരുണ്ടാക്കിയെങ്കിലും ബിജെപിയുടെ ഊഴമെത്തിയപ്പോള് കുമാരസ്വാമി കസേര വിടാന് കൂട്ടാക്കാതിരുന്നതോടെ ബിജെപി പിന്തുണ പിന്വലിച്ചിരുന്നു. നിലവിലെ സര്ക്കാര് വീഴുന്ന സാഹചര്യം ഉണ്ടായാല് ബിജെപി പുതിയ തെരഞ്ഞെടുപ്പിനെക്കുറിച്ച് മാത്രമേ ചിന്തിക്കൂ എന്നായിരുന്നു മാധ്യമപ്രവര്ത്തകരോട് യെദ്യൂരപ്പ പ്രതികരിച്ചത്.
മുന്നണിഭരണത്തിന് കീഴില് അനേകം പ്രശ്നങ്ങള് ഉണ്ടാകും. അധികാരം നില നില്ക്കുന്നത് വരെ ഈ പ്രശ്ന പരിഹാരത്തിനേ നേരം കാണൂ. വരള്ച്ചയും കുടിവെള്ളമില്ലായ്മയും ഉള്പ്പെടെ ജനങ്ങളുടെ പ്രശ്നം പരിഹരിക്കപ്പെടാതെ തന്നെ കിടക്കും. മാണ്ഡ്യയില് കുമാരസ്വാമിയുടെ മകന് നിഖിലിനെ പരാജയപ്പെടുത്തിയ നടി സുമലതയ്ക്ക് താല്പ്പര്യമുണ്ടെങ്കില് അവര്ക്ക് മുന്നില് ബിജെപി വാതില് തുറന്നിടുമെന്നും അവര്ക്ക് എപ്പോഴും സ്വാഗതമെന്നും യെദ്യുരപ്പ പറഞ്ഞു. 2018 നിയമസഭാ തെരഞ്ഞെടുപ്പിന് പിന്നാലെയാണ് ജെഡിഎസ് - കോണ്ഗ്രസ് സഖ്യം സര്ക്കാരുണ്ടാക്കിയത്.
