പ്രമുഖ റിയാലിറ്റി ഷോയായ ബിഗ് ബോസിലൂടെ പ്രേക്ഷകരെ സാക്ഷിയാക്കി പ്രണയിച്ച് വിവാഹിതരായവരാണ് നടിയും അവതാരകയായ പേളി മാണിയും സീരിയല് നടന് ശ്രീനിഷ് അരവിന്ദും. ഈ മാസം ആദ്യ വാരമായിരുന്നു ഇരുവരുടെയും ക്രിസ്ത്യന് ആചാരപ്രകാരവും, ഹിന്ദു ആചാരപ്രകാരവുമുള്ള വിവാഹം. വിവാഹശേഷമുള്ള ഇരുവരുടെയും ചിത്രങ്ങളും വീഡിയോയുമൊക്കെ സോഷ്യല് മീഡിയയില് വൈറലായിരുന്നു.
വിവാഹശേഷം ശ്രീനിഷിന്റെ വീട്ടില് സന്തോഷത്തോടെ ഓടിച്ചാടി നടക്കുന്ന പേളിയുടെ ചിത്രങ്ങളും വൈറലായിരുന്നു. പേളിയുടെ ജന്മദിനത്തില് ഇന്സ്റ്റാഗ്രാമിലൂടെ ആശംസയുമായി എത്തിയിരിക്കുകയാണ് ശ്രീനിഷ്.
''പ്രിയപ്പെട്ട ചുരുളമ്മയ്ക്ക് പിറന്നാളാശംസകള്...നമ്മള് ഒരുമിച്ച് ആഘോഷിക്കുന്ന ആദ്യ ജന്മദിനം. ഇതുപോലെ കുറുമ്പ് കാണിച്ചും ചിരിച്ചും ജീവിതകാലം മുഴുവന് ഉണ്ടാകണം. നിന്നെപ്പോലൊരു ഭാര്യയെ ലഭിച്ച ഞാന് ഭാഗ്യവാനാണ്.'' - പേളിയുടെ വീഡിയോ പങ്കുവെച്ചു കൊണ്ട് ശ്രീനിഷ് കുറിച്ചു
