ന്യൂഡല്ഹി: കോണ്ഗ്രസ് വക്താവും നവമാധ്യമ മേധാവിയുമായ ദിവ്യാ സ്പന്ദന ട്വിറ്റര് അക്കൗണ്ട് ഉപേക്ഷിച്ചു. പാര്ലമെന്റ് തിരഞ്ഞെടുപ്പില് തോല്വിയേത്തുടര്ന്ന് കോണ്ഗ്രസ് വിടാനുള്ള തയ്യാറെടുപ്പിലാണ് ദിവ്യ എന്നും റിപ്പോര്ട്ടുകളുണ്ട്.
ആദ്യ ധനകാര്യ മന്ത്രിയായി തിരഞ്ഞെടുക്കപ്പെട്ട നിര്മ്മലാ സീതീരാമന് അഭിനന്ദനങ്ങള് അര്പ്പിച്ചുള്ള ട്വിറ്റാണ് ഇവര് അവസ്സാനമായി പ്രത്യക്ഷപ്പെട്ട ട്വിറ്റ്. തുടര്ന്ന് ഇത്തരത്തില് അക്കൗണ്ട നിലവില് ഇല്ലെന്ന് മാത്രമാണ് കാണിക്കുന്നത്.
ട്വിറ്റുകള് എല്ലാം നീക്കം ചെയ്തതിനാല് ദിവ്യയുടെ ട്വിറ്റര് വെരിഫൈഡ് പേജ് ലഭ്യമാകാനും ഏറെ നേരം വൈകുന്നുണ്ട്. ഇതാണ് ദിവ്യ പാര്ട്ടി വിട്ടേക്കുമെന്ന അഭ്യൂഹങ്ങള്ക്ക് ബലം നല്കുന്നത്.
ഇതിനെല്ലാം പുറമെ മഹാത്മാഗാന്ധിയുടെ ജന്മദിനത്തില് മഹാരാഷ്ട്രയിലെ വാര്ധയില് വച്ച് നടന്ന പാര്ട്ടി നേതൃത്വയോഗത്തില് ദിവ്യ പങ്കെടുത്തിരുന്നില്ല എന്നതും ശ്രദ്ധേയമാണ്.
