തൃശ്ശൂര്: സോഷ്യല് മീഡിയയ്ക്ക് അകത്തും പുറത്തും താരമാണ് തൃശ്ശൂരിലെ കളക്ടര് ടി.വി അനുപമ ഐ.എ.എസ്. മുഖം നോക്കാതെ നടപടിയെടുക്കുന്ന, ആവശ്യ സമയത്ത് കൂടെ നില്ക്കുന്ന. നേരിനൊപ്പം സഞ്ചരിക്കുന്ന ഭരണാധികാരിയാണ് മലയാളികള്ക്ക് അനുപമ ഐ.എ.എസ്. പ്രത്യേക ക്ഷണിതാവല്ലാതിരുന്നിട്ടും ഗുരുവായൂര് ദേവസ്വത്തിലെ സര്വ്വീസില് നിന്നും വിരമിക്കുന്ന 13 പേരുടെ യാത്രയയപ്പിനു ടി.വി അനുപമ എത്തിയത് എല്ലാവരേയും ഒന്ന് അമ്പരിപ്പിച്ചു. കളക്ടറായല്ല അനുപമ എത്തിയത്. കുടുംബാംഗമായാണ്.
കളക്ടര് എത്തിയപ്പോള് വേദിയും സദസും ഒന്നടങ്കം എഴുനേറ്റു ബഹുമാനിച്ചു. വിരമിക്കുന്നവരുടെ കൂട്ടത്തില് അമ്മകൂടി ഉണ്ടായിരുന്നതിനാല് കളക്ടറായല്ല മകളായിട്ടായിരുന്നു അനുപമയുടെ വരവ്. ദേവസ്വം മരാത്ത് വിഭാഗത്തില് നിന്ന് വിരമിക്കുന്ന അസി.എക്സി. എന്ജിനീയര് ടി.വി രമണിയുടെ മകളാണ് അനുപമ.
താന് സദസ്സില് ഇരുന്നോളാമെന്ന് അനുപമ പറഞ്ഞെങ്കിലും സംഘാടകര് സമ്മതിച്ചില്ല. നിര്ബന്ധപൂര്വ്വം വേദിയിലേക്ക് കൂട്ടികൊണ്ടുപോയി. അമ്മയെ പൊന്നാട അണിയിക്കാന് ക്ഷണിച്ചുവെങ്കിലും അനുപമ വിട്ടുനിന്നു. അത് ചെയര്മാന് നിര്വഹിച്ചാല് മതിയെന്നും ആശംസാപ്രസംഗം നടത്താമെന്നും അവര് പറഞ്ഞു.
അമ്മയെ കുറിച്ചും തന്റെ ജീവിതത്തിന്റെ ഓരോഘട്ടങ്ങളിലും അമ്മ നല്കിയ പിന്തുണയെ കുറിച്ചും അനുപമ സംസാരിച്ചു. തന്റെ ജീവിതത്തിലെ വളര്ച്ചയുടെ ഓരോ പടവും ഇവിടെ നിന്നാണ് കരകയറിയതെന്നും എന്നെ ഞാനാക്കിയത് അമ്മയാണെന്നും അനുപമ പറഞ്ഞു. "അമ്മയുടെ കഠിനാധ്വാനമാണ് തന്നെ ഈ നിലയിലെക്കെത്തിച്ചത്. അമ്മയ്ക്ക് കിട്ടുന്ന ശംമ്പളം കൊണ്ടാണ് താന് പഠിച്ച് കളക്ടര് ആയത് അതിന് ദേവസ്വത്തോടുള്ള കടപ്പാട് എന്നും മനസ്സിലുണ്ടാകും" ടി.വി അനുപമ ഐ.എ.എസ്
