തെലുങ്ക് ചലച്ചിത്രനടിയും ടെലിവിഷന്‍ അവതാരകയുമാണ് ശ്രീ റെഡ്ഡി. തെലുങ്ക് നടിമാര്‍ ലൈംഗിക ചൂഷണത്തിന് ഇരയാകുന്നുവെന്ന് പറഞ്ഞ് ശ്രീ റെഡ്ഡി രംഗത്ത് വന്നിരുന്നു. ഇതിന്റെ ഭാഗമായി ഹൈദരാബാദ് ഫിലിം ചേമ്പറിന് മുന്നില്‍ താരം അര്‍ദ്ധനഗ്‌നനായി പ്രതിഷേധിച്ചത് വിവാദമായിരുന്നു. സിനിമയില്‍ സജീവമല്ലെങ്കിലും താരം സോഷ്യല്‍ മീഡിയയില്‍ സജീവമാണ്.
ഇപ്പോള്‍ സൂര്യ നായകനായ സെല്‍വരാഘവന്‍ ചിത്രം എന്‍.ജി.കെയ്‌ക്കെതിരെ രംഗത്ത് വന്നിരിക്കുകയാണ് ശ്രീ റെഡ്ഡി. സോഷ്യല്‍മീഡിയയിലൂടെയാണ് താരത്തിന്റെ തുറന്നു പറച്ചില്‍. ചിത്രത്തില്‍ സായ് പല്ലവി, രാകുല്‍ പ്രീത് സിംഗ് എന്നിവരാണ് ചിത്രത്തിലെ നായികമാര്‍. ഇതില്‍ രാകുലിന്റെ അഭിനയത്തെ വിമര്‍ശിച്ചാണ് ശ്രീ റെഡ്ഡി രംഗത്ത് വന്നിരിക്കുന്നത്. ചിത്രത്തില്‍ രാകുലിന്റെ പ്രകടനം മോശമാണെന്നും കണ്ടിട്ട് തനിക്ക് ഛര്‍ദ്ദിക്കാന്‍ വന്നുവെന്നുമാണ് ശ്രീ റെഡ്ഡി കുറിച്ചത്.
സായ് പല്ലവിയുടെ പ്രകടനം മികച്ചതാണെന്നുമാണ് ശ്രീ റെഡ്ഡി പറയുന്നത്. ഇതിന് മുന്‍പും ശ്രീ റെഡ്ഡി രാകുലിനെതിരെ രംഗത്ത് വന്നിട്ടുണ്ട്. എന്നാല്‍ എന്‍.ജി.കെ എന്നതിന് പകരം വൈ.ജി.കെ എന്നാണ് ചിത്രത്തിന്റെ പേര് ശ്രീ റെഡ്ഡി എഴുതിയത്. അതുകൊണ്ട് തന്നെ ചിത്രം കാണാതെ പോലുമാണ് ശ്രീ റെഡ്ഡിയുടെ ഈ വിമര്‍ശനമെന്നാണ് താരത്തിനെതിരായ കമന്റുകള്‍.
Comments