തിരുവനന്തപുരം: സംസ്ഥാന പോലീസിനെതിരെ രൂക്ഷ വിമര്ശനവുമായി കോണ്ഗ്രസ്സ് നേതാവ് കെ.സുധാകരന്. കെ.എസ്.യുവിന്റെ സമരത്തെ അടിച്ചമര്ത്താനുള്ള പോലീസിന്റെ ശ്രമം വിലപ്പോവില്ലെന്നും കെ.എസ്.യുവിനെതിരെ പോലീസ് തിരിയുന്നത് പോലീസിന് ഗുണം ചെയ്യില്ലെന്നുമായിരുന്നു സുധാകരന് പറഞ്ഞത്.
യൂണിവേഴ്സിറ്റി കോളേജ് സംഘര്ഷത്തിന്റേയും പരീക്ഷാക്രമക്കേടിന്റേയും പശ്ചാത്തലത്തില് പരിഹാരം ആവശ്യപ്പെട്ട് കെ.എസ്.യു നടത്തുന്ന സമരത്തെ അടിച്ചമര്ത്താനാണ് പോലീസ് ശ്രമിക്കുന്നതെന്നും അദ്ദേഹം ആരോപിച്ചു.
സെക്രട്ടറിയേറ്റിനു മുന്നില് കെ.എസ്.യു തുടങ്ങിയ സമരം കോണ്ഗ്രസ്സ് ഏറ്റെടുക്കുമെന്നും കെ സുധാകരന് കൂട്ടിച്ചേര്ത്തു. "കെ.എസ്.യു വിനോട് രാഷ്ട്രീയ വൈരാഗ്യം കാണിച്ചാല് തിരിച്ചടിക്കാന് മടിക്കില്ല. കാക്കി ഊരിയാല് എല്ലാവരും സാധാരണ മനുഷ്യരാണെന്ന് ഓര്ക്കണം"
'എവിടെ വച്ചും കൈകാര്യം ചെയ്യാന് കെ.എസ്.യുവിന് സാധിക്കും മനുഷ്യത്വമില്ലാത്ത മുഖ്യമന്ത്രി പറയുന്നത് കേട്ട് കെ.എസ.യുവിനെ അക്രമിക്കാന് പോലീസ് തയ്യാറാകരുതെന്നും കെ സുധാകരന് പറഞ്ഞു.
