ജകാര്ത്ത: ഇന്തോനേഷ്യ ഓപ്പണ് ഫൈനലില് ഇന്ത്യന് താരം പി വി സിന്ധുവിന് തോല്വി. ജപ്പാന്റെ ലോക നാലാം നമ്പര് താരം അകാനെ യമാഗുച്ചിച്ചുവാണ് സിന്ധുവിനെ പരാജയപ്പെടുത്തിയത്. നേരിട്ടുള്ള ഗെയിമുകള്ക്ക് സിന്ധുവിനെ തകര്ക്കുകയായിരുന്നു. സ്കോര് 15-21, 16-21.
ആദ്യ ഗെയിമില് 5-3ന് മുന്നിലായിരുന്നു സിന്ധു 11-8നും ലീഡ് ചെയ്യുകയും ചെയ്യതു. തുടരെയുള്ള പിഴവുകള് സിന്ധുവിന് വിനയായി. തുടര്ച്ചായി ആറ് പോയിന്റുകളാണ് സിന്ധുവിന് നഷ്ടമായത്. 14-18ന് യമഗുച്ചി മുന്നിലെത്തുകയും ചെയ്തു. വൈകാതെ 15-21ന് ഗെയിം സ്വന്തമാക്കി.
രണ്ടാം ഗെയിമില് ഒരിക്കല് പോലും സിന്ധുവിന് മുന്നേറാന് സാധിച്ചില്ല. 9-12നും 10-15നും യമാഗുച്ചി ലീഡുയര്ത്തി. അവസാന നിമിഷം ചെറുത്ത് നില്ക്കാന് ശ്രമം നടത്തിയെങ്കിലും അധിക സമയം പിടിച്ച് നില്ക്കാന് സിന്ധുവിനായില്ല. അവസാനം സിന്ധു കീഴടങ്ങി.
സീസണില് സിന്ധുവിന്റ ആദ്യ ഫൈനലായിരുന്നു ഇന്തോനേഷ്യയിലേത്. മുമ്പ് 14 തവണ യമാഗുച്ചിക്കെതിരെ കളിച്ചപ്പോള് 10ലും സിന്ധുവിനായിരുന്നു വിജയം. നാല് തവണ മാത്രമാണ് ജപ്പാനീസ് താരം ജയിച്ചത്.
