ബോളിവുഡ് താരം അര്ജുന് കപൂറിന്റെ വാച്ചാണ് സോഷ്യല്മീഡിയയില് ശ്രദ്ധേയമാകുന്നത്. അമേരിക്കയില് അവധിക്കാലം ആഘോഷിക്കാന് എത്തിയ അര്ജുന് പങ്കുവെച്ച ചിത്രങ്ങളിലൊന്നില് സോഷ്യല് ലോകം ശ്രദ്ധിച്ചത് അര്ജുന് കെട്ടിയ വാച്ചായിരുന്നു. Rolex Oyster Perpetual Yacht Master II വാച്ചായിരുന്നു താരം ധരിച്ചത്. ഇരുപത്തിയേഴു ലക്ഷത്തി അമ്പത്തി ഏഴായിരം (2,757,000) രൂപയാണ് ഈ വാച്ചിന്റെ വില.
നീന്തല് താരങ്ങള്ക്കു വേണ്ടി പ്രത്യേകം ഡിസൈന് ചെയ്ത ഈ വാച്ച് 18 കാരറ്റ് സ്വര്ണം കൊണ്ടാണ് നിര്മിച്ചത്. 1992ലാണ് ഈ മോഡല് റോലക്സ് വിപണിയില് എത്തിക്കുന്നത്. വാട്ടര് പ്രൂഫായതാണ് ഈ വാച്ച്. സുപ്രധാന നിമിഷങ്ങളിലെ ആകാംക്ഷ സൂക്ഷിച്ചു വയ്ക്കാന് കഴിയുന്ന മെക്കാനിക്കല് മെമ്മറിയുള്ള ലോകത്തിലെ ഏക വാച്ചാണിത്. അര്ജുന് കപൂറിന്റെ വാച്ചു കലക്ഷനിലെ വിലയേറിയ വാച്ച് ഇതാണെന്നും റിപ്പോര്ട്ടുണ്ട്. കാമുകി മലൈക അറോറയുടെ സമ്മാനമാണോ ഈ വാച്ച് എന്ന സംശയവും ആരാധകര് ഉന്നയിക്കുന്നുണ്ട്.
