തിരുവനന്തപുരം: യുഡിഎഫ് സര്ക്കാര് അധികാരത്തിലേറുമ്പോള് യൂണിവേഴ്സിറ്റി കോളേജ് മാറ്റി സ്ഥാപിക്കുമെന്ന കെ.മുരളീധരന് എംപിയുടെ പ്രസ്തവനയെ 'കൊട്ടി' വൈദ്യുത മന്ത്രി എംഎം മണി. ഫെയ്സ്ബുക്കിലുടെയാണ് എംഎം മണി കെ.മുരളീധരനെ പരിഹസിച്ചത്.
യുപിഎ ജയിച്ച് രാഹുലിനെ പ്രധാനമന്ത്രിയാക്കിയതു പോലെയാണോ മുരളീധരന്ജീ യുഡിഎഫ് ജയിച്ച് യൂണിവേഴ്സിറ്റി കോളേജ് മാറ്റുന്നതും എന്ന പരിഹാസ ചോദ്യമാണ് മണി ഉന്നയിച്ചത്.
യൂണിവേഴ്സിറ്റി കോളേജ് ചരിത്രസ്മാരകമാക്കുന്നതാണ് നല്ലതെന്നാണ് കെ.മുരളീധരന് എംപി കോഴിക്കോട് അഭിപ്രായപ്പെട്ടത്. എസ്എഫ്ഐ ഉള്ള്ിടത്തോളം കാലം യൂണിവേഴ്സിറ്റി കോളേജിലെ രീതികള് മാറാന് പോകുന്നില്ല. യുഡിഎഫ് അധികാരത്തിലെത്തിയാല് കോളേജ് ഇപ്പോഴുള്ള സ്ഥലത്തു നിന്ന് മാറ്റും. കോളേജ് അവിടെ നിന്ന് മാറ്റണമെന്ന് 1992 ല് കെ.കരുണാകരന് സര്ക്കാര് തീരുമാനമെടുത്തതാണ്. ആ തീരുമാനം അടുത്ത യുഡിഎഫ് സര്ക്കാര് നടപ്പാക്കും. യൂണിവേഴ്സിറ്റി കോളേജിനെ ചരിത്രമ്യൂസിയമോ പൊതുസ്ഥലമോ ആയി മാറ്റുമെന്നും കെ. മുരളീധരന് വ്യക്തമാക്കിയിരുന്നു.
