ന്യൂഡല്ഹി: മഴക്കെടുതിയില് കഷ്ടപ്പെടുന്ന കേരളത്തിനായി റിസര്വ് ബാങ്ക് ഗവര്ണര്ക്ക് കത്തയച്ച് രാഹുല് ഗാന്ധി എം.പി. ലോണുകള് തിരിച്ചടയ്ക്കാനുള്ള മോറട്ടോറിയം നീട്ടാനുള്ള നടപടികള് സ്വീകരിക്കണമെന്ന് ആവശ്യപ്പെട്ടുകൊണ്ടാണ് റിസര്ബാങ്ക് ഗവര്ണര് ശക്തികാന്ത ദാസിന് രാഹുല് ഗാന്ധി കത്തയച്ചിരിക്കുന്നത്. കഴിഞ്ഞ വര്ഷവും കേരളം നൂറ്റാണ്ടിലെ പ്രളയത്തെ നേരിട്ടതാണെന്നും കത്തില് പറയുന്നു.
'കഴിഞ്ഞ വര്ഷവും നൂറ്റാണ്ടിലെ പ്രളയത്തിനാണ് കേരളം സാക്ഷിയായത്. അതുകൊണ്ടു തന്നെ ലോണുകള് തിരിച്ചടയ്ക്കാനുള്ള മോറട്ടോറിയം 2019 ഡിസംബര് വരെ നീട്ടണം' രാഹുല് കത്തില് ആവശ്യപ്പെട്ടു. ലോണുകള് തിരിച്ചടപ്പിക്കുന്നതിന്റെ ഭാഗമായി നടത്തിയ നടപടിക്രമങ്ങളില് മനംനൊന്ത് നിരവധി കര്ഷകര് ആത്മഹത്യ ചെയ്ത സംഭവവും രാഹുല് റിസര്വ്വ് ബാങ്ക് ഗവര്ണറുടെ ശ്രദ്ധയില് കൊണ്ടു വന്നു.
കേരളത്തിലെ കർഷകരുടെ വായ്പ തിരിച്ചടവിന്റെ കാലാവധി നീട്ടികൊടുക്കണമെന്ന് ആവശ്യപ്പെട്ട് കൊണ്ട് ശ്രീ രാഹുൽ ഗാന്ധി റിസർവ് ബാങ്ക് ഗവർണർക്ക് കത്തെഴുതി.
Shri @RahulGandhi writes to RBI Governor regarding the extension of loan repayment for farmers in Kerala. pic.twitter.com/SfkKuUdzSl— Rahul Gandhi - Wayanad (@RGWayanadOffice) August 14, 2019
രാഹുല് ഗാന്ധിയുടെ മണ്ഡലമായ വയനാടാണ് ഇത്തവണ മഴ കൂടുതല് നാശം വിതച്ച സ്ഥലങ്ങളില് ഒന്ന്. വയനാട്ടിലേയും കേരളത്തിലേയും കാലവര്ഷ കെടുതിയേയും ദുരന്തങ്ങളേയും കുറിച്ച് വിവരിച്ച് രാഹുല് ഗാന്ധി പ്രധാനമന്ത്രി നരേന്ദ്രമോഡിക്ക് കത്തെഴുതിയിരകുന്നു. വയനാട് ജില്ലയിലെ പുത്തുമലയിലും മലപ്പുറത്തെ കവളപ്പാറയിലും ഉണ്ടായ ഉരുള് പൊട്ടലിനെ കുറിച്ച് രാഹുല് കത്തില് വിവരിച്ചിട്ടുണ്ട്.
