മലപ്പുറം: പ്രളയദുരിതം നേരിടുന്ന കേരളത്തിന് കേന്ദ്രസര്ക്കാറിന്റെ പൂര്ണ പിന്തുണയെന്ന് കേന്ദ്ര വിദേശകാര്യ സഹമന്ത്രി വി.മുരളിധരന്. പ്രളയദുരന്തമുണ്ടായ മലപ്പുറം കവളപ്പാറയിലെ ദുരിതാശ്വാസ ക്യാമ്പ് സന്ദര്ശിച്ച് സംസാരിക്കുകയായിരുന്നു അദ്ദേഹം. സംസ്ഥാന സര്ക്കാര് ആവശ്യപ്പെട്ട മുഴുവന് സഹായവും ഇതിനോടകം കേന്ദ്ര സര്ക്കാര് നല്കിയിട്ടുണ്ട്. തെരച്ചിലിന് കേരളം കൂടുതല് സഹായം ആവശ്യപ്പെടുകയാണെങ്കില് അതും, പുനരധിവാസത്തിന് കൂടുതല് സഹായം ആവശ്യമുണ്ടെങ്കില് അവയും പരിഗണിക്കും. കേരളം മതിയെന്നു പറയുന്നതുവരെ ദേശീയ ദുരന്തനിവാരണ സേന കേരളത്തില് തുടരുമെന്നും മുരളീധരന് പറഞ്ഞു.
