തിരുവനന്തപുരം: കെപിസിസി പുന:സംഘടനയില് അതൃപ്തി അറിയിച്ച് കെ.മുരളീധരന്റെ കത്ത്. കെപിസിസി അധ്യക്ഷന് മുല്ലപ്പള്ളി രാമചന്ദ്രനാണ് കെ.മുരളീധരന് എംപി അതൃപ്തി അറിയിച്ച് കത്ത് നല്കിയിരിക്കുന്നത്.
പുന:സംഘടനയില് കൂടിയാലോചനകള് കൃത്യമായി നടക്കുന്നില്ലെന്ന് കുറ്റപ്പെടുത്തിയ മുരളീധരന്, ഇനി ഇഷ്ടമുള്ളത് ചെയ്തോളാനും കത്തില് പറയുന്നു. തലപ്പത്ത് ജനപ്രതിനിധികളെ കുത്തിനിറയ്ക്കാനുള്ള തീരുമാനം നടക്കുന്നുണ്ട്. ചിലര് ഏകപക്ഷീയമായ തീരുമാനം എടുക്കുകയാണെന്നും മുരളീധരന് കുറ്റപ്പെടുത്തുന്നു. മുന് അധ്യക്ഷന് എന്ന നിലയില് ആരുടെയും പേര് നിര്ദേശിക്കുന്നില്ലെന്നും കത്തില് വ്യക്തമാക്കിയിട്ടുണ്ട്.
