മഹാപ്രളയത്തിന് ശേഷം ഒരു വര്ഷം പിന്നിടുമ്പോഴാണ് അടുത്ത പ്രളയവും കേരളത്തെ മുക്കിയത്. ഇ കഴിഞ്ഞ പ്രളയകാലത്ത് സോഷ്യല് മീഡിയയില് താരമായവരില് ഒരാള് തിരുവനന്തപുരം മേയര് വി കെ പ്രശാന്ത് ആയിരുന്നു. അദ്ദേഹത്തിന്റെ നേതൃത്വത്തില് പ്രളയബാധിത പ്രദേശങ്ങളിലേക്ക് ടണ് കണക്കിന് സാധനങ്ങളാണ് കയറ്റി അയച്ചത്. ഇത്തരത്തില് കോഴിക്കോട്ടേക്ക് ആവശ്യ സാധനങ്ങളുമായി പോയി മടങ്ങി എത്തിയ ലോറിയില് ഉണ്ടായിരുന്നത് കോഴിക്കോടിന്റെ മധുര സ്നേഹമായിരുന്നു. തങ്ങളുടെ തനത് രുചിയായ ഹല്വയാണ് തിരുവനന്തപുരത്തെ മേയര്ക്ക് കോഴിക്കോടുകാര് കൊടുത്തയച്ചത്. ഇത് വിവരിച്ച് മേയര് പങ്കുവെച്ച കുറിപ്പും വൈറലായിരിക്കുകയാണ്.
മേയറുടെ ഫേസ്ബുക്ക് കുറിപ്പ്;
#സ്നേഹത്തിന് ഇത്ര മധുരമോ?
തിരുവനന്തപുരം #നഗരസഭയില്
നിന്ന് #കോഴിക്കോട്ടേക്ക് പോയ ലോറി മടങ്ങി വന്നപ്പോള് അവിടെ നിന്നും കൊടുത്തയച്ച കുറച്ച് #ഹല്വയാണിത്....
ഞങ്ങള് കയറ്റി അയച്ച #സാധനങ്ങളെക്കാള് ഭാരമുണ്ടിതിന് .... #സ്നേഹത്തിന്റെ ഭാരം
ഈ മധുരത്തിന് തിരുവനന്തപുരത്തിന്റെ
#നന്ദി അറിയിക്കുന്നു ...
