ന്യൂഡല്ഹി : പാക് പ്രകോപനത്തിന് സാധ്യതയുണ്ടെന്ന് ഇന്ത്യന് നാവികസേന മേധാവി കഴിഞ്ഞ ദിവസം മുന്നറിയിപ്പ് നല്കിയതിന് പിന്നാലെ ഗുജറാത്തിലെ ഗള്ഫ് ഓഫ് കച്ച് മേഖലയില് പാക് മറൈന് കമാന്റോകള് നുഴഞ്ഞു കയറിയതായി സൂചന. കച്ചിലെ മുന്ദ്ര, കാണ്ട്ല തുറമുഖങ്ങള്ക്ക് സുരക്ഷാ മുന്നറിയിപ്പ് നല്കിയിട്ടുണ്ട്.
കച്ചിലെ അദാനി പോര്ട്ട് ജീവനക്കാര്ക്ക് മുന്നറിയിപ്പ് നല്കിയിട്ടുണ്ട്. അസാധാരണ നീക്കങ്ങള് ശ്രദ്ധയില്പ്പെട്ടാല് ഗുജറാത്തിലെ മറൈന് കണ്ട്രോള് ബോര്ഡിനെ വിവരമറിയിക്കാനും നിര്ദേശമുണ്ട്.
അതേസമയം, അതിര്ത്തിയില് സംഘര്ഷം മൂര്ച്ഛിക്കുന്നതിനിടെ പാകിസ്ഥാന് മിസൈല് പരീക്ഷണം നടത്തി. 300 കിലോ മീറ്റര് സഞ്ചരിക്കാന് കഴിയുന്ന ഗസ്തവി മിസൈലാണ് ബാകിസ്ഥാന് പരീക്ഷിച്ചത്. മിസൈല് പരീക്ഷണം സ്ഥിരീകരിച്ചുകൊണ്ട് പാകിസ്ഥാന് സൈനീക വക്താവ് വീഡിയോയും പുറത്തു വിട്ടിട്ടുണ്ട്.
ബലൂചിസ്ഥാനിലെ സോന്മിയാനി ടെസ്റ്റിങ് റേഞ്ചില് വച്ചാണ് പരീക്ഷണം നടത്തിയത്.
