ഹൈദരാബാദ്: രാജ്യാന്തര ക്രിക്കറ്റില് നിന്ന് വിരമിക്കല് പ്രഖ്യാപിച്ച ശേഷം തീരുമാനം പിന്വലിച്ച് ഇന്ത്യന് താരം അമ്പാട്ടി റായിഡു. വിരമിക്കല് തീരുമാനത്തില് നിന്ന് പിന്മാറുകയാണെന്നും ആഭ്യന്തര ക്രിക്കറ്റില് ശെഹദരാബാദ് ടീമിനായി എല്ലാ ഫോര്മാറ്റുകളിലും കളിക്കാന് സന്നദ്ധനാണെന്നും അറിയിച്ചുകൊണ്ട് താരം കത്തയച്ചു. ഹൈദരാബാദ് ക്രിക്കറ്റ് അസോസിയേഷനാണ് ഇക്കാര്യം വ്യക്തമാക്കി കത്തയച്ചിരിക്കുന്നത്.
ലോകകപ്പ് ടീമില് ഇടം ലഭിക്കാത്തതുമായി ബന്ധപ്പെട്ട് ഉടലെടുത്ത അസ്വാരസ്യങ്ങള്ക്കൊടുവിലാണ് ഏവരെയും ഞെട്ടിച്ച് താരം വിരമിക്കല് പ്രഖ്യാപിച്ചത്. രണ്ടു മാസങ്ങള്ക്കു പിന്നാലെ തീരുമാനം പിന്വലിക്കുകയായിരുന്നു. ഇക്കാര്യം നേരത്തെ തന്നെ വെളിപ്പെടുത്തിയെങ്കിലും ഔദ്യോഗികമായി ഹൈദരാബാദ് ക്രിക്കറ്റ് അസോസിയേഷനെ അറിയിക്കാനാണ് കത്തയച്ചത്. തുടര്ന്ന് ക്രിക്കറ്റ് അസോസിയേഷന് പ്രസ്താവനയും പുറത്തിറക്കി. അടുത്ത സീസണില് ഹൈദരാബാദിനായി എല്ലാ ഫോര്മാറ്റുകളിലും കളിക്കാന് സന്നദ്ധനാണെന്നും താരം വ്യക്തമാക്കിയിട്ടുണ്ടെന്നും അസോസിയേഷന് പ്രസ്താവനയില് വ്യക്തമാക്കി.
