ആലപ്പുഴ : ആലപ്പുഴ നഗരസഭയില് ഉള്ള എല്ലാ വിദ്യാഭ്യാസ സ്ഥാപനങ്ങള്ക്കും സര്ക്കാര് ഓഫീസുകള്ക്കും കളക്ടര് അവധി പ്രഖ്യാപിച്ചു. 67-ാമത് നെഹ്റു ട്രോഫി വെള്ളം കളി മത്സരത്തോടനുബന്ധിച്ചാണ് സര്ക്കാര് സ്ഥാപനങ്ങള്ക്കും നാളെ അവധി പ്രഖ്യാപിച്ചത്. ക്രിക്കറ്റ് ഇതിഹാസം സച്ചിന് ടെണ്ടുല്ക്കാറാണ് വള്ളം കളിയില് മുഖ്യാതിഥിയായി എത്തിച്ചേരുന്നത്.
23 ചുണ്ടന് വള്ളങ്ങളാണ് മത്സരത്തില് പങ്കെടുക്കുക. കനത്ത മഴയെ തുടര്ന്ന് മാറ്റിവെച്ച വള്ളം കളിയാണ് നാളെ നടക്കുന്നത്. നെഹ്റു ട്രോഫിയ്ക്കൊപ്പം പ്രഥമ ചാമ്പ്യന്സ് ബോട്ട് ലീഗിന് കൂടി നാളെ തുടക്കമാകും.
നാളെ ഉച്ചയ്ക്ക് രണ്ട് മണിക്ക് ചുണ്ടന് വള്ളങ്ങളുടെ ഹീറ്റ്സ് നടക്കും. തുടര്ന്ന് മികച്ച സമയത്ത് ഫിനിഷ് ചെയ്യുന്ന വള്ളങ്ങള് ഫൈനലില് മത്സരിക്കും. ഇതില് വിജയിക്കുന്നവര്ക്കായിരിക്കും ജേതാക്കള്. ചാമ്പ്യന്സ് ബോട്ട് ലീഗ് മത്സരങ്ങളുടെ ഫൈനലിനു ശേഷമാണ് നെഹ്റ്രു ട്രോഫി ഫൈനല് മത്സരം നടക്കുക. ഒമ്പത് ക്ലബുകളാണ് സിബിഎല്ലില് പങ്കെടുക്കുക. ദേശീയ, അന്തര്ദേശീയ ചാനലുകള്ക്കാണ് ഫൈനല് മത്സരങ്ങളുടെ സംപ്രേക്ഷണാവകാശം. 12 മത്സരങ്ങളാണ് സിബിഎല്ലില് ഉള്ളത്. 25 ലക്ഷമാണ് സമ്മാനത്തുകയെന്നും ആലപ്പുഴ ജില്ലാ കളക്ടര് ഡോ.അദീല അബ്ദുള്ള പറഞ്ഞു.
