ഇസ്ളാമാബാദ്: പാകിസ്താനില് ഒരാഴ്ചയ്ക്കിടയില് രണ്ടാം തവണയും ഹിന്ദു പെണ്കുട്ടിയെ ഇസ്ളാമിക യുവാവ് തട്ടിക്കൊണ്ടുപോയി നിര്ബ്ബന്ധപൂര്വ്വം മതംമാറ്റി. ബിബിഎ വിദ്യാര്ത്ഥിനിയായ പെണ്കുട്ടിയുടെ സഹപാഠിയായ യുവാവാണ് സംഭവത്തില് പ്രതി. പിതാവ് പോലീസില് പരാതി നല്കി.
ആഗസ്റ്റ് 29 ന് കോളേജിലേക്ക് പോയ പെണ്കുട്ടി അതിന് ശേഷം വീട്ടില് തിരിച്ചെത്തിയിട്ടില്ല. പെണ്കുട്ടിയുടെ സഹപാഠിയായ ബാബര് അമന് എന്ന വിദ്യാര്ത്ഥി ഇമ്രാന്ഖാന്റെ പാര്ട്ടിയായ തെഹ്രീക് ഇ ഇന്സാഫ് പ്രവര്ത്തകനായ മിര്സാ ദിലാവര് ബെയ്ഗ് എന്നയാളുടെ സഹായത്തോടെ തട്ടിക്കൊണ്ടു പോകുകയും നിര്ബ്ബന്ധപൂര്വ്വം ഇസ്ളാമതത്തിലേക്ക് മതം മാറ്റിയെന്നുമാണ് പിതാവിന്റെ പരാതി. തട്ടിക്കൊണ്ടുപോയി മതംമാറ്റുന്ന സംഭവം ഒരാഴ്ചയ്ക്കിടയില് പാകിസ്താനില് രണ്ടാമത്തേതാണ്. അതേസമയം ഈ മാസം തന്നെ നടക്കുന്ന മൂന്നാമത്തെ സംഭവമാണെന്നാണ് പാകിസ്താന് ഹിന്ദു സംഘടനയായ 'ഓള് പാകിസ്താന് ഹിന്ദു പഞ്ചായത്തി' ന്റെ ആരോപണം.
പാര്ട്ടി പ്രവര്ത്തകനായ ബെയ്ഗിന്റെ സീയാല്ക്കോട്ടിലെ വീട്ടിലേക്കാണ് യുവാവ് പെണ്കുട്ടിയെ കൊണ്ടുപോയത്. അവിടെ വെച്ച് മതം മാറ്റുകയും ബാബര് അമന് വിവാഹം കഴിക്കുകയുമായിരുന്നു. സംഭവത്തില് ബാബര് അമന്റെ സഹോദരനെ പോലീസ് അറസ്റ്റ് ചെയ്തു. എന്നാല് പെണ്കുട്ടിയും ബാബര് അമനും എവിടെയാണെന്ന ഒരു വിവരവും ആര്ക്കുമില്ല. ഹിന്ദു സംഘടനകള് കടുത്ത എതിര്പ്പ് ഉയര്ത്തുന്നുണ്ട്. ഈ പ്രശ്നത്തില് കര്ശനമായ നടപടി എടുക്കണമെന്നും തങ്ങളെ ഈ ദുരിതത്തില് നിന്നും കരകയറ്റാന് ഒരു അവതാരങ്ങളും മാനത്തു നിന്നും ഇറങ്ങി വരില്ലെന്നും പറഞ്ഞു. നേരത്തേ പഞ്ചാബ് പ്രവിശ്യയില് ഒരു മുസ്ളീം യുവാവ് പെണ്കുട്ടിയെ തട്ടിക്കൊണ്ടു പോയി മതം മാറ്റി വിവാഹം ചെയ്തിരുന്നു.
ഒരു പെണ്കുട്ടിയെ തട്ടിക്കൊണ്ടു പോയി മതംമാറ്റി വിവാഹം ചെയ്തെന്ന് ഒരു പഞ്ചാബി കുടുംബം ആരോപിക്കുന്ന വീഡിയോ ദൃശ്യം വ്യാഴാഴ്ച ശിരോമണി അകാലിദള് എംഎല്എ മഞ്ജീന്ദര് സിംഗ് സിര്സാ ഷെയര് ചെയ്തിരുന്നു. ഈ സംഭവം ലോകത്തുടനീളമുള്ള സിഖ് സമൂഹത്തിന്റെ വിദ്വേഷത്തിന് ഇടയായിരിക്കുയാണ്. നന്കാണ സാഹിബിലെ ഗുരുദ്വാര ടാമ്പൂ സാഹിബിലെ പൂജാരിയാണ് പെണ്കുട്ടിയുടെ പിതാവ് ഭഗ്വാന് സിംഗ്. ആഗസ്റ്റ് 27 നും 28 നും ഇടയിലുള്ള രാത്രിയില് ആറു പേരെത്തി കുടുംബത്തെ തോക്കിന് മുനയില് നിര്ത്തി പെണ്കുട്ടിയെ തട്ടിക്കൊണ്ടു പോയെന്ന് പ്രധാനമന്ത്രി ഇമ്രാന്ഖാനോട് കുടുംബം വിലപിക്കുന്നതാണ് വീഡിയോയിലുള്ളത്.
സംഭവത്തില് കേസെടുത്തെങ്കിലും ഒരു നടപടിയും ഉണ്ടായിട്ടില്ലെന്നും കുടുംബം ആരോപിക്കുന്നു. തട്ടിക്കൊണ്ടു പോകലിനിരയായ പെണ്കുട്ടി പിന്നീട് വീഡിയോയില് പ്രത്യക്ഷപ്പെട്ട് താന് ഇസ്ളാമായി മതം മാറിയെന്ന് അറിയിച്ചു. മകളെ രക്ഷിക്കാന് എന്തെങ്കിലും ചെയ്യാന് ഇമ്രാനോട് അപേക്ഷിച്ച കുടുംബം സംഭവത്തില് നടപടി എടുത്തില്ലെങ്കില് തങ്ങള് ആത്മാഹൂതി ചെയ്യുമെന്ന് അറിയിച്ചിരിക്കുകയാണ്. സംഭവം ഇന്ത്യയിലും തരംഗം സൃഷ്ടിച്ചിട്ടുണ്ട്. നടപടിയെടുക്കാന് ആവശ്യപ്പെട്ട് ഒട്ടേറെ രാഷ്ട്രീയ നേതാക്കള് രംഗത്ത് വന്നിട്ടുണ്ട്.
