മുംബൈ: മഹാരാഷ്ട്രയിലെ നവിമുംബൈയിലെ ഒഎന്‍ജിസി പ്ലാന്റില്‍ വന്‍ അഗ്നിബാധ. മൂന്നു പേര്‍ മരിച്ചതായി ആദ്യ റിപ്പോര്‍ട്ടുകള്‍. മരണനിരക്ക് വര്‍ദ്ധിക്കാന്‍ സാധ്യതയുള്ളതായും സൂചനകളുണ്ട്. അഗ്നിബാധയുണ്ടായ ഒരു കിലോമീറ്റര്‍ ചുറ്റളവിലുള്ള പ്രദേശം പോലീസ് സീല്‍ ചെയ്തു.
ഇന്ന് പുലര്‍ച്ചെ ഏഴുമണിയോടെയാണ് അഗ്നിബാധയുണ്ടായത്. അപകടത്തില്‍ പരിക്കേറ്റ എട്ടു പേരെ സമീപത്തുള്ള ആശുപത്രിയില്‍ പ്രവേശിപ്പിച്ചു. പ്ലാന്റില്‍ നിന്നും ഗ്യാസ് ഗുജറാത്തിലെ ഹസിറാ പ്ലാന്റിലേക്ക് മാറ്റി. 330 കിലോമീറ്റര്‍ അകലെയാണ് ഈ പ്ലാന്റ് സ്ഥിതി ചെയ്യുന്നത്.
ഉറാന്‍ ഓയില്‍ ആന്റ് ഗ്യാസ് പ്രൊസസിങ്ങ് പ്ലാന്റിലെ അഴുക്കുചാലില്‍ നിന്നുമാണ് അഗ്നിബാധയുണ്ടായത്. ഉറാന്‍, പനവേല്‍ നെരൂള്‍, ജെഎന്‍പിടി എന്നിവിടങ്ങളില്‍ നിന്നുള്ള അഗ്നിശമന യൂണിറ്റുകളാണ് തീകെടുത്താനുള്ള ശ്രമങ്ങള്‍ നടത്തുന്നത്.
Comments