ലക്നൗ: ഉത്തര്പ്രദേശിലെ മഹോബയില് നടന്ന ഉറൂസില് (മത ചടങ്ങ്) ഹിന്ദു വിഭാഗത്തില്പ്പെട്ടവര്ക്ക് സസ്യേതര ബിരിയാണി വിളമ്പിയ മുസ്ലീംങ്ങള്ക്കെതിരെ പോലീസ് കേസെടുത്തു. മതത്തിന്റെ പേരില് വിദ്വേഷം പ്രചരിപ്പിച്ചു, മതവികാരം വ്രണപ്പെടുത്തി എന്നീ വകുപ്പുകള് ചുമത്തിയാണ് 43 പേര്ക്കെതിരെ കേസെടുത്തിയിരിക്കുന്നത്. ഓഗസ്റ്റ് 31ന് നടന്ന ചടങ്ങിലാണ് ബിരിയാണി വിളമ്പിയത്. ബി.ജെ.പി എം.എള്.എ ബ്രിജ്ഭൂഷണ് രജ്പുത് ഇടപെട്ടതിനെ തുടര്ന്ന് നാട്ടുകാരന് നല്കിയുടെ പരാതിയുടെ അടിസ്ഥാനത്തിലാണ് കേസ്.
ഹിന്ദുക്കള്ക്ക് ബിരിയാണി വിളമ്പിയത് ഹിന്ദു വികാരത്തെ വ്രണപ്പെടുത്തിയെന്നും ഗ്രാമീണര് തന്നോട് പരാതിപ്പെട്ടെന്നും എം.എല്.എ അറിയിച്ചു. അതേസമയം പരിപാടിക്ക് സസ്യേതര ബിരിയാണി ആണോ വിളമ്പിയത് എന്ന കാര്യം സ്ഥിതീകരിച്ചിട്ടില്ലെന്ന് എസ്.പി സ്വാമിനാഥ് പറഞ്ഞു. അന്വേഷണം പുരോഗമിക്കുകയാണെന്നും അദ്ദേഹം വ്യക്തമാക്കി.
പരാതി നല്കിയ രാജ്കുമാര് റൈയ്ക്ക്വാര് എന്ന വ്യക്തി പരാതി പിന്വലിക്കാന് ത്യയാറായെന്നും എന്നാല് ബി.ജെ.പി എം.എല്.എയുടെ നിര്ബന്ധപ്രകാരമാണ് കേസ് രജിസ്റ്റര് ചെയ്തതെന്നും പോലീസ് ഉദ്യോഗസ്ഥന് പറഞ്ഞു.
ഓഗസ്റ്റ് 31 ന് ചര്ക്കാരി പോലീസ് സ്റ്റേഷന് പരിധിയിലാണ് ഉറൂസ് പരിപാടി നടന്നത്. പീര് ഷേയ്ക്ക് ബാബ സ്വാലത്ത് വില്ലേജിലെ മുസ്ലീം നിവാസികള് കഴിഞ്ഞ ആറുവര്ഷമായി സംഘടിപ്പിക്കുന്ന ചടങ്ങാണ് ഉറൂസ്.
11 ഗ്രാമത്തില് നിന്നുള്ള 10000 പേരാണ് ഇത്തവണ ഉറൂസിന് പങ്കെടുത്തത്. ഭക്ഷണം കഴിച്ചുകൊണ്ടിരുന്ന ഹിന്ദുവിഭാഗത്തില്പ്പെട്ടവരില് ചിലര്ക്ക് ബിരിയാണിയില് നിന്നും ഇറച്ചി ലഭിച്ചെന്നാരോപ്പിച്ച് രംഗത്തെത്തി. അതേസമയം ഹിന്ദു വിഭാഗക്കാര്ക്ക് അറിയാതെയാണ് ഭക്ഷണം വിളമ്പിയതെന്നും സംഭവത്തില് ക്ഷമ ചോദിക്കുവെന്നും സംഘാടകര് അറിയിച്ചു. എഫ്.ഐ.ആര് രജിസ്റ്റര് ചെയ്തത് ഐ.പി.സി 153 എ, 420, 295 എ, 506 വകുപ്പ് പ്രകാരമാണ്.
