തിരുവനന്തപുരം: സി.പി.എം പ്രളയ ദുരിതാശ്വാസത്തിന് സംസ്ഥാനമൊട്ടാകെ സമാഹരിച്ച തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കി. 22 കോടി 90 ലക്ഷം രൂപയോളമാണ് (22,90,67,326) ദുരിതാശ്വാസ നിധിയിലേക്ക് കിട്ടിയത്.
കാലവര്ഷക്കെടുതിയില് ദുരിതമനുഭവിക്കുന്നവരെ സഹായിക്കാന് ഓഗസ്റ്റ് 13 മുതല് 18 വരെ തീയതികളില് സംസ്ഥാന വ്യാപകമായി നടന്ന ഫണ്ട് ശേഖരത്തില് 14 ജില്ലയില് നിന്നായി ശേഖരിച്ച തുകയാണിതെന്ന് സി.പി.എം അറിയിച്ചു. ഫണ്ട് സംബന്ധിച്ച ജില്ല തിരിച്ചുള്ള കണക്കും സി.പി.എം പുറത്ത് വിട്ടിട്ടുണ്ട്.
കാസര്കോഡ് - 7930261.00, കണ്ണൂര് - 64642704.00, വയനാട് - 5600000.00, കോഴിക്കോട് - 24620914.00, മലപ്പുറം - 25586473.00, പാലക്കാട് - 14850906.00, തൃശ്ശൂര് - 20557344.00, എറണാകുളം - 16103318.00, ഇടുക്കി - 6834349.00, കോട്ടയം - 6116073.00, ആലപ്പുഴ - 7753102.00, പത്തനംതിട്ട - 2626077.00, കൊല്ലം - 11200386.00, തിരുവനന്തപുരം - 14645419.00 ആകെ 229067326 എന്ന് സി.പി.എം അറിയിച്ചു.
