കോഴിക്കോട് : മുഖ്യമന്ത്രി പിണറായി വിജയനെ വിമര്ശിച്ച് ബി ജെ പി സംസ്ഥാന അധ്യക്ഷന് പി എസ് ശ്രീധരന്പിള്ള. അമിത് ഷായുടെ ഹിന്ദി പരാമര്ശം സംഘപരിവാറിന്റെ അജണ്ടയണെന്ന് മുഖ്യമന്ത്രി പിണറായി വിജയന്റെ പരാമര്ശത്തെ വിമര്ശിച്ചാണ് ശ്രീധരന് പിള്ള രംഗത്തെത്തിയത്. ഒരു സംസ്ഥാന മുഖ്യമന്ത്രി ദേശീയ ഭാഷയ്ക്കെതിരെ സംസാരിക്കുന്നത് ശരിയല്ല. ഹിന്ദി അടിച്ചേല്പ്പിക്കുന്നു എന്ന് വാദം തെറ്റാണെന്നും ശ്രീധരന്പിള്ള പറഞ്ഞു.
ഹിന്ദി പ്രചാരണ ദിവസം അമിത് ഷാ പിന്നെ എന്തായിരുന്നു പറയേണ്ടതെന്നും അദ്ദേഹം ചോദിച്ചു. മുഖ്യമന്ത്രി പറഞ്ഞത്പോലെ ഹിന്ദി നശിക്കട്ടെ എന്നായിരുന്നോ പറയേണ്ടിയിരുന്നത്. മുഖ്യമന്ത്രിയുടെ ഈ നിലപാട് ബിജെപി അപലപിക്കുന്നു. അമിത് ഷാ നടത്തിയ പ്രസ്താവനയോടുള്ള പ്രതിഷേധം നിഷേധാത്മകമാണെന്നും ശ്രീധരന് പിള്ള പറഞ്ഞു.
