പ്രായം എത്രയായാലും സിനിമാ താരങ്ങളില് പലരും യൗവ്വനം നിലനിര്ത്താന് എന്തിനും തയ്യാറാകുന്നവരാണ്. തങ്ങളുടെ സുന്ദരമുഖം മാത്രം കാണാനേ അവര് ആഗ്രഹിക്കുകയുള്ളൂ. എന്നാല് കണ്തടത്തില് കറുപ്പും ശരീരത്തില് ചുളിവും വ്യക്തമാക്കിക്കൊണ്ടുള്ള നടിയുടെ ചിത്രമാണ് ഇപ്പോള് സോഷ്യല് മീഡിയയില് വൈറല്. നടിയും മോഡലുമായ ലിസ റായി ആണ് മേക്കപ്പ് ഇല്ലാത്ത തന്റെ ചിത്രം ആരാധകര്ക്കായി പങ്കുവെച്ചത്.
'47 കാരിയായ ഞാന് ഇങ്ങനെയാണ്. എന്ന് തുടങ്ങുന്ന കുറിപ്പോടെയാണ് താരം ഇന്സ്റ്റഗ്രാമില് ചിത്രം പങ്കുവെച്ചത്. നമ്മള് എങ്ങനെയാണോ അങ്ങനെ ഇരിക്കാനുള്ള ധൈര്യം നമുക്കുണ്ടോ? ചെറുപ്പത്തില് എനിക്കില്ലായിരുന്നു. എല്ലാവരും നമ്മുടെ മൂല്യം മനസിലാക്കണം എന്നില്ല. പക്ഷെ നിങ്ങളുടെ ശരീരത്തേയും അത് പറയുന്ന കഥയേയും നിങ്ങളുടെ അനുഭവങ്ങളേയും നിങ്ങളുടെ ഉള്ളിനേയും സ്നേഹിക്കൂ. നിങ്ങളുടെ മൂല്യം എന്തെന്നറിയൂ. നിങ്ങളുടെ തിളക്കം ലോകത്തില് പ്രതിഫലിക്കും. ഇപ്പോള് അങ്ങനെയെങ്കിലും നിങ്ങളെ സ്നേഹിക്കൂ' താരം കുറിച്ചു.
താരത്തിന്റെ പോസ്റ്റ് സോഷ്യല് മീഡിയയില് വൈറലാണ്. എന്നും നിങ്ങള് സുന്ദരിയാണെന്നാണ് കമന്റുകള്. നിങ്ങളുടെ ശരീരത്തിലുള്ള പോലെ ചുളിവുകള് എന്റെ ശരീരത്തിലും ഉണ്ട് ഞാന് ഇപ്പോള് എന്നെ സ്നേഹിക്കുയാണെന്നായിരുന്നു ഒരാളുടെ കമന്റ്. ഈ വര്ഷം ആദ്യമായിരുന്നു ലിസ തന്റെ ജീവിതത്തെ കുറിച്ചു പറയുന്ന 'ക്ലോസ് ടു ദി ബോണ്' എന്ന പുസ്തകം പുറത്തിറക്കിയത്. ക്യാന്സറോടുള്ള പോരാട്ടത്തെ കുറിച്ചും ഈ പുസ്തകത്തില് ലിസ വ്യക്തമാക്കിയിരുന്നു.
