ന്യൂഡല്ഹി: മോശം ഫോം തുടരുന്ന വിക്കറ്റ് കീപ്പര് ബാറ്റ്സ്മാന് ഋഷഭ് പന്തിന് പകരക്കാരെ തേടുന്നുവെന്ന് ഇന്ത്യന് ടീം ചീഫ് സെലക്ടര് എംഎസ്കെ പ്രസാദ്. പന്തിനാണ് പ്രഥമ പരിഗണന നല്കുന്നതെങ്കിലും അദേഹത്തിന്റെ സ്ഥാനത്തേക്ക് പകരം കളിക്കാരെ വളര്ത്തിക്കൊണ്ടു വരുന്നുണ്ടെന്ന് എംഎസ്കെ പ്രസാദ് വ്യക്തമാക്കി.
പന്തിന്റെ ജോലിഭാരം പരിശോധിക്കുന്നുണ്ട്. അതോടൊപ്പം തശന്ന ആവശ്യമെങ്കില് പന്തിന് പകരം പരിഗണിക്കുന്നതിനായി മൂന്നു ഫോര്മാറ്റിലുമായി താരങ്ങളെ വളര്ത്തിയെടുക്കുന്നുമുണ്ട്. ഇന്ത്യ എയ്ക്കു വേണ്ടി ടെസ്റ്റില് മികവ് കാണിക്കുന്ന കെഎസ് ഭരത് ഉണ്ട്. മാത്രമല്ല നിശ്ചിത ഓവര് മത്സരങ്ങളില് ഇന്ത്യ എയ്ക്കായും ആഭ്യന്തര മത്സരങ്ങളിലും മികവ് കാണിക്കുന്ന സഞ്ജു സാംസണും ഇഷാന് കഷനുമുണ്ട്. എംഎസ്കെ പ്രസാദ് പറയുന്നു. എംഎസ് ധോണി മാറി നില്ക്കുന്ന സാഹചര്യത്തില് ടീമിലെത്തിയ പന്ത് മോശം പ്രകടനം തുടരുൃന്നതിനിടെയാണ് പ്രസാദിന്റെ പ്രതികരണം.
പകരക്കാരെ തേടുന്നുവെങ്കിലും പന്തിന്റെ കഴിവില് തങ്ങള്ക്ക് ഇപ്പോഴും വിശ്വാസമുണ്ടെന്നും പ്രസാദ് കൂട്ടിച്ചേര്ത്തു. പലപ്പോഴും അനാവശ്യ ഷോട്ട് കളിച്ച് വിക്കറ്റ് കളയുന്നതാണ് പന്തിനെതിരെ വിമര്ശനമുയരാന് കാരണമായത്.
