ജാപ്പനീസ് ഇരുചക്ര വാഹന നിർമ്മാതാക്കളായ ഹോണ്ട തങ്ങളുടെ അഡ്വഞ്ചർ മോട്ടോർ സൈക്കിളായ ആഫ്രിക്ക ട്വിന്നിന്റെ 2020 പതിപ്പ് ആഗോളതലത്തിൽ അവതരിപ്പിച്ചു.
വരാനിരിക്കുന്ന ബിഎസ്-VI പാലിക്കുന്നതിനായാണ് പരിഷ്ക്കരിച്ച മോഡലിനെ കമ്പനി വിപണിയിലെത്തിക്കുന്നത്. റിപ്പോർട്ട് പ്രകാരം സമാന്തര-ഇരട്ട എഞ്ചിൻ വാഹനത്തിന് ലഭിക്കുന്നു. കരുത്തേറിയ പുതിയ 1,084 സിസി എഞ്ചിനാണ് അഡ്വഞ്ചർ ടൂറർ മോട്ടോർ സൈക്കിളിന് ഹോണ്ട നൽകിയിരിക്കുന്നത്. 2020 അവസാനത്തോടെയായിരിക്കും മോട്ടോർ സൈക്കിളിനെ ഹോണ്ട ഇന്ത്യയിൽ അവതരിപ്പിക്കുക.
പഴയ മോഡലിനേക്കാൾ കൂടുതൽ സാങ്കേതികവിദ്യയും പുതിയ കണക്റ്റിവിറ്റി സവിശേഷതകളും 2020 ആഫ്രിക്ക ട്വിന്നിൽ ഒരുങ്ങുന്നു. പുതുക്കിയ ഫെയറിംഗ്, ലൈറ്റർ ഫ്രെയിം, 25 ലിറ്റർ ഇന്ധന ടാങ്ക് എന്നിവ ലഭിച്ചിട്ടുണ്ട്.
സ്റ്റാൻഡേർഡ് എഞ്ചിൻ ബാഷ്പ്ലേറ്റ്,ഉയരം ക്രമീകരിക്കാവുന്ന വിൻഡ്സ്ക്രീൻ എന്നിവയിലെ സംരക്ഷിത ബോഡി വർക്ക് തുടങ്ങിയവയാണ് സ്റ്റാൻഡേർഡ് ഹോണ്ട ആഫ്രിക്ക ട്വിൻ, അഡ്വഞ്ചർ സ്പോർട്സ് പതിപ്പ് എന്നിവയെ വ്യത്യസ്തമാക്കുന്നത്.
2020 ഹോണ്ട ആഫ്രിക്ക ട്വിന്നിന്റെ ഇലക്ട്രോണിക്സ് സ്യൂട്ടും പൂർണ്ണമായും പരിഷ്ക്കരിച്ചിട്ടുണ്ട്. ഹോണ്ടയുടെ ട്രാക്ഷൻ കൺട്രോൾ സിസ്റ്റത്തിന്റെ പതിപ്പായ ഹോണ്ട സെലക്ടബിൾ ടോർക്ക് കൺട്രോൾ (HSTC), ഇപ്പോൾ സിക്സ്-ആക്സിസ് ഇൻറേഷ്യൽ മെഷർമെന്റ് യൂണിറ്റ് (IMU) പ്രവർത്തിപ്പിക്കുന്നു.
പുതിയ ടച്ച്സ്ക്രീൻ ഇൻസ്ട്രുമെന്റ് പാനൽ ഇപ്പോൾ ബ്ലൂടൂത്ത് ഓഡിയോയും ആപ്പിൾ കാർപ്ലേ കണക്റ്റിവിറ്റിയും വാഗ്ദാനം ചെയ്യുന്നു. ടൂർ, അർബൻ, ഗ്രേവൽ, ഓഫ്-റോഡ്, കൂടാതെ രണ്ട് അധിക ഉപയോക്തൃ മോഡുകൾ എന്നിങ്ങനെ നാല് റൈഡിംഗ് മോഡ് ഓപ്ഷനുകളും ലഭിക്കുന്നു.
