കോട്ടയം : പാലാ ഉപതെരഞ്ഞെടുപ്പിലെ പരാജയം യു.ഡി.എഫിന് ആകെ നാണക്കേടായിരിക്കുകയാണ്. കേരളാ കോണ്സ്രിന്റെ കുത്തകയായ പാലാ ആരൊക്കെ ശ്രമിച്ചാലും കൈവിട്ടുപോകില്ലെന്ന അമിത ആത്മവിശ്വാസം തന്നെയാണ് പരാജയത്തിന് അപ്പുറത്തേയ്ക്കുള്ള നാണക്കേടിന് കാരണമായിരിക്കുന്നത്.
ജോസ് ടോം പുലിക്കുന്നേല് പരാജയപ്പെടുമെന്ന് സ്വപ്നത്തില് പോലും കാണാതിരുന്ന കേരളാ കോണ്ഗ്രസ് ജോസ് ടോം പുലിക്കുന്നേലിന് വിജയാശംസകള് നേര്ന്ന് ഫ്ളക്സുകള് തയ്യാറാക്കുകയും വിജയം പങ്കുവെക്കാന് ലഡ്ഡുവുമൊക്കെ തയ്യാറാക്കിയിരുന്നു.
'വമ്പിച്ച ഭൂരിപക്ഷത്തോടെ വിജയിപ്പിച്ച വോട്ടര്മാര്ക്ക് നന്ദി... നന്ദി... നന്ദി...' എന്ന വാചകത്തോടെയായിരുന്നു ഫ്ളക്സ്. 'മനസില് മായാതെ എന്നും ജനഹൃദയങ്ങളില് ജീവിക്കുന്ന കെ.എം മാണി സാറിന്റെ പിന്ഗാമി നിയുക്ത പാലാ എംഎല്എ അഡ്വ.ജോസ് ടോമിന് അഭിനന്ദനങ്ങള്' എന്നും ഫ്ളക്സിലുണ്ട്.
