ഇസ്ലാമാബാദ് : വിദ്യാര്ത്ഥികളായ ആണ്കുട്ടികളും പെണ്കുട്ടികളും ഒന്നിച്ചു നടക്കുന്നത് വിലക്കി പാക് സര്വകലാശാല. പാകിസ്ഥാനിലെ ഖൈബര് പഖ്തുന്ഖ്വ പ്രവിശ്യയിലെ ബച്ചാഖാന് സര്വകലാശാലയാണ് വിചിത്ര നടപടിയുമായി രംഗത്തെത്തിയിരിക്കുന്നത്. ഇതു സംബന്ധിച്ച നോട്ടീസും സര്വകലാശാല പുറത്തിറക്കിയിട്ടുണ്ട്. ആണ്കുട്ടികളും പെണ്കുട്ടികളും ഒന്നിച്ചു നടക്കുന്നത് മതവിരുദ്ധമാണെന്ന വിശദീകരണമാണ് സെപ്റ്റംബര് 23 ന് പുറത്തിറക്കിയ നോട്ടീസില് പറയുന്നത്.
സര്വകലാശാലയില് ആണ്കുട്ടികളും പെണ്കുട്ടികളും ഒന്നിച്ച് നടക്കുന്നതായി ശ്രദ്ധയില്പ്പെട്ടിട്ടുണ്ടെന്നും ഇതില് നിന്നും വിദ്യാര്ത്ഥികളെ പിന്തിരിപ്പിക്കുകയാണ് ലക്ഷ്യമെന്നും നോട്ടീസില് പറയുന്നു. നിയമം ലംഘിക്കുന്ന പക്ഷം മാതാപിതാക്കളെ വിളിപ്പിക്കുമെന്നും പിഴ ഈടാക്കുമെന്നും നോട്ടീസില് പറയുന്നു.
നോട്ടീസ് സോഷ്യല് മീഡിയയിലൂടെ വൈറലായതോടെ യൂണിവേഴ്സിറ്റിയുടെ നടപടിയെ അനുകൂലിച്ചും വിമര്ശിച്ചും നിരവധി ആളുകള് ട്വിറ്ററിലൂടെ രംഗത്ത് എത്തിക്കൊണ്ടിരിക്കുകയാണ്.
