വിധു വിന്സെന്റ് സംവിധാനം ചെയ്യുന്ന പുതിയ ചിത്രം സ്റ്റാന്ഡ് അപ്പിന്റെ ട്രെയിലര് പുറത്തിറങ്ങി. രജിഷ വിജയന്, നിമിഷ സജയന്, അര്ജുന് അശോകന്, നായികനായകന് ഫെയിം വെങ്കിടേഷ് തുടങ്ങിയവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ബി ഉണ്ണിക്കൃഷ്ണനും ആന്റോ ജോസഫും ചേര്ന്നാണ് ചിത്രം നിര്മ്മിക്കുന്നത്. സിനിമയുടെ ട്രെയിലര് ലോഞ്ചില് മമ്മൂട്ടി അടക്കം നിരവധി പേര് പങ്കെടുത്തു.
രണ്ട് സ്ത്രീ കഥാപാത്രങ്ങളാണ് ചിത്രത്തില് പ്രധാനമായുള്ളത് എന്ന് പറഞ്ഞപ്പോള് മമ്മൂട്ടി നല്കിയ മറുപടിയെക്കുറിച്ച് ആന്റോ ജോസഫ് പറഞ്ഞു. തന്റെ സിനിമാജീവിതത്തില് ഗുരുക്കന്മാരായി കാണുന്നവരാണ് മമ്മൂട്ടിയും രണ്ജി പണിക്കറും. ഈ സിനിമ ഏറ്റെടുക്കുന്നതിന് മുന്പ് അവരോട് സംസാരിച്ചിരുന്നു. ഹീറോയില്ല, രണ്ട് സ്ത്രീ കഥാപാത്രങ്ങളാണെന്നും പറഞ്ഞിരുന്നു. കഥയാടാ ഹീറോ, അത് നല്ലതാണെങ്കില് ചെയ്യൂ. അല്ലാതെ ഞാനും മോഹന്ലാലൊന്നുമല്ല ഹീറോയെന്നായിരുന്നു മമ്മൂക്ക പറഞ്ഞ മറുപടി.
നടിമാരുടെ സംഘടനയായ 'വിമന് ഇന് സിനിമ കളക്ടീവ്'യും(ഡബ്ല്യു.സി.സി) താരസംഘടനയായ 'അമ്മ'യും ഒന്നിച്ച് പ്രവര്ത്തിക്കേണ്ടതിന്റെ ആവശ്യകതയെക്കുറിച്ചായിരുന്നു മമ്മൂട്ടി സംസാരിച്ചത്. ഇരു സംഘടനകളും മലയാള സിനിമയ്ക്കുവേണ്ടി ഒന്നിച്ച് പ്രവര്ത്തിക്കേണ്ടത് അത്യാവശ്യമാണെന്നായിരുന്നു അദ്ദേഹം പറഞ്ഞത്. പ്രത്യക്ഷത്തില് പേരെടുത്ത് പറയാതെയായിരുന്നു അദ്ദേഹം ഇതേക്കുറിച്ച് വ്യക്തമാക്കിയത്.
