കൊല്ലം: കോഴിക്കോട് കൂടത്തായി കൊലപാതക കേസിലെ മുഖ്യ പ്രതി ജോളി സോഷ്യല് മീഡിയയില് ട്രോളുകളായും മറ്റും വൈറലായി മാറിയതോടെ 'ജോളി'എന്ന് പേരുള്ള കൊല്ലം ഇരവിപുരം-മയ്യനാട് റോഡിലെ ജംഗ്ഷന് നാട്ടുകാര്ക്കു പുലിവാലായി മാറി.
ഇരവിപുരം- മയ്യനാട് റൂട്ടില് ഇരവിപുരം പോലീസ് സ്റ്റേഷന് സമീപമാണു ജോളിയെന്ന കുപ്രസിദ്ധ നാമത്താല് അറിയപ്പെടുന്ന ജംഗ്ഷന്. പ്രദേശവാസികള്ക്കു മാത്രം അറിയാമായിരുന്ന ജോളി ജംഗ്ഷന് ഇപ്പോള് സോഷ്യല് മീഡിയയില് വൈറലാണ്.
പ്രദേശവാസികളില് ആരോ ജോളി ജംഗ്ഷന്റെ പേരെഴുതിയ ബോര്ഡ് സോഷ്യല് മീഡിയയില് പോസ്റ്റ് ചെയ്തതാണു നാട്ടുകാര്ക്കു പുകിലായത്. പലരുമിപ്പോള് ജംഗ്ഷന്റെ പേരു പറയാന് തന്നെ മടിക്കുന്നു.
ജംഗ്ഷന് സമീപത്തെ വീടുകളിലെ കുട്ടികള് ഇപ്പോള് സ്കൂളില് പോകാനും മടിക്കുന്നതായി രക്ഷിതാക്കള് പറയുന്നു. സഹപാഠികള് ജംഗ്ഷന്റെ പേരു പറഞ്ഞു കളിയാക്കുന്നതാണു കാരണം. ബസില് യാത്ര ചെയ്യുന്നവര് മുമ്പത്തെപ്പോലെ ഇപ്പോള് ജോളി ജംഗ്ഷന് എന്ന പേരു പറഞ്ഞ് ടിക്കറ്റ് എടുക്കുന്നതുമില്ല. പകരം ജോളി ജംഗ്ഷന് തൊട്ടു മുന്നിലെ ജംഗ്ഷനില് ഇറങ്ങി കാല്നടയായാണു വീടുകളിലേക്കു പോകുന്നത്.
കേരളം കണ്ട കൊടും കുറ്റവാളിയുടെ പേരു പറയാന് തന്നെ പലരും മടിക്കുന്നു. ഏതായാലും ജംഗ്ഷന്റെ പേരു മാറ്റാനുള്ള ധൃതിപിടിച്ച ആലോചനയിലാണ് നാട്ടുകാര്.
