സര്ക്കാര് ആശുപത്രിയില് രാത്രി വൈകിയും രോഗികള്ക്കുള്ള ശസ്ത്രക്രിയയും മറ്റും ഉള്പ്പെടെയുള്ള ജോലികള് ചെയ്യുന്ന ഡോക്ടര്മാരെ പ്രശംസിച്ച് നടന് അനൂപ് ചന്ദ്രന് രംഗത്ത്. കഴിഞ്ഞ ദിവസം തനിക്കുണ്ടായ അനുഭവം വ്യക്തമാക്കിയാണ് അദ്ദേഹം നന്ദി രേഖപ്പെടുത്തി ഫേസ്ബുക്കില് വീഡിയോ പങ്കുവെച്ചിരിക്കുന്നത്. കോട്ടയം മെഡിക്കല് കോളജില് ആന്ജിയോഗ്രാമിന് വിധേയനായ സുഹൃത്തിന്റെ അച്ഛന്റെ ഓപ്പറേഷന് പോയപ്പോഴുണ്ടായ അനുഭവമാണ് അനൂപ് ചന്ദ്രന് പങ്കുവെച്ചിരിക്കുന്നത്.
ഓപ്പറേഷന് രാത്രി രണ്ടര മണിക്കാണ് കഴിഞ്ഞത്. ഡോക്ടര് ജയപ്രകാശ് ഓപ്പറേഷന് തിയേറ്ററില് നിന്ന് ഇറങ്ങി പോകുന്നത് കണ്ടപ്പോള് അദ്ദേഹം മനുഷ്യനല്ല, ഡോക്ടറുമല്ല, ദൈവമാണ് എന്ന് തോന്നി എന്ന് അനൂപ് ചന്ദ്രന് പറഞ്ഞിരിക്കുന്നത്.
നിങ്ങളെ പോലെ ആത്മാര്പ്പണം ചെയ്യുന്ന ദൈവങ്ങളുള്ളത് കൊണ്ടാണ് ഞങ്ങളിന്ന് സന്തോഷത്തോടെ ജീവിച്ചിരിക്കുന്നതെന്നും അനൂപ് ചന്ദ്രന് ഫെയ്സബുക്ക് വീഡിയോയില് പറയുന്നു. ഞാന് അദ്ദേഹത്തോട് ഒന്നും സംസാരിക്കാന് നിന്നില്ല. ഞാന് രാവിലെ ഏഴ് മണിക്ക് താന് നോക്കുമ്പോള് ഡോ. ജയപ്രകാശ് റൗണ്ട്സിന് പോകുന്ന കാഴ്ചയാണ് കണ്ടത്. സര് നന്ദി സര്, ഒരുപാട് ഒരുപാട് നന്ദി എന്നും അനൂപ് പറഞ്ഞു.
