ദീലിപിനെ നായകനാക്കി 'അവതാരം' എന്ന ചിത്രത്തിനുശേഷം ജോഷി സംവിധാനം ചെയ്യുന്ന പുതിയ ചിത്രമാണ് 'ഓണ് എയര് ഈയപ്പന് '. ചിത്രത്തില് ഒരു മാധ്യമപ്രവര്ത്തകനായി ദീലിപ് എത്തുന്നു. ജഫേഴ്സ് പ്രൊഡക്ഷന്സിന്റെ ബാനറില് സജിന് ജാഫര് ആണ് ചിത്രത്തിന്റെ നിര്മ്മാണം നിര്വഹിച്ചിരിക്കുന്നത്. നവാഗതനായ അരുണും നിരഞ്ജനും ചേര്ന്ന് രചന നിര്വിഹിക്കുന്ന ചിത്രത്തിന്റെ ഷൂട്ടിംഗ് ജനുവരി അവസാനത്തോടെ ആരംഭിക്കുമെന്നാണ് റിപ്പോര്ട്ടുകള്.
റണ്വേ, ലയണ്, ജൂലൈ 4, സൈന്യം, ട്വന്റി 20, ക്രിസ്ത്യന് ബ്രദേഴ്സ് എന്നീ ചിത്രങ്ങളിലാണ് ദീലിപും ജോഷിയും മുന്പ് ഒന്നിച്ചത്. ജോജു, ചെമ്പന് വിനോദ്, നൈല ഉഷ, എന്നിവര് മുഖ്യകഥാപാത്രങ്ങളായി എത്തിയ 'പൊറിഞ്ചു മറിയം ജോസാണ്'അടുത്തിടെ പുറത്തിയ ജോഷി ചിത്രം.
ദീലീപും തമിഴ് നടന് അര്ജുനും ഒന്നിക്കുന്ന 'ജാക്ക് ഡാനിയലി'എന്ന ചിത്രമാണ് ദീലിപിന്റെതായി പുറത്തിറങ്ങിയ ചിത്രം. 'ഞാന് പ്രകാശന്' എന്ന ചിത്രത്തിലുടെ ശ്രദ്ധേയായ അഞ്ജു കുര്യനാണ് ഈ ചിത്രത്തിലെ നായിക. ചിത്രത്തിന്റെ രചനയും സംവിധാനവും നിര്വ്വഹിക്കുന്നത് എസ്.എല് പുരം ജയസൂര്യയാണ്. തമീന്സ് ഫിലിംസിന്റെ ബാനറില് ഷിബു തമീന്സ് ആണ് ചിത്രം നിര്മ്മിക്കുന്നത്. സംഗീതം ഷാന് റഹ്മാനും ഗോപി സുന്ദറും. ഛായാഗ്രഹണം ശിവകുമാര് വിജയന്. എഡിറ്റിംഗ് ജോണ്കുട്ടി. ആക്ഷനു പ്രധാന്യമുളള ചിത്രത്തില് പീറ്റര് ഹെയ്ന്, കനല് കണ്ണന്, സുപ്രീം സുന്ദര് എന്നിവര് ചേര്ന്നാണ് സ്റ്റണ്ട് കൊറിയോഗ്രാഫി നിര്വ്വഹിച്ചിരിക്കുന്നത്.
ജാക്ക് ഡാനിയല് എന്നത് അമേരിക്കയിലെ ഐക്യനാടുകളില് നിര്മ്മിക്കുന്ന ഒരുതരം വിസ്കിയുടെ പേരാണ്. ലോകത്തിലെ തന്നെ ഏറ്റവും കൂടുതല് വിറ്റഴിക്കുന്ന മദ്യം.
