ന്യൂഡല്ഹി: ഡല്ഹിയിലെ ഒറ്റ-ഇരട്ട അക്ക വാഹന നിയന്ത്രണത്തില് നേരിയ ഇളവ്. ഗുരു നാനാക് ദേവിന്റെ 550-ാം ജന്മവാര്ഷികത്തോട് അനുബന്ധിച്ച് നവംബര് 11, 12 തീയതികളില് വാഹന നിയന്ത്രണം ഉണ്ടായിരിക്കില്ല.
ഗുരു നാനാക് ജയന്തിയോട് അനുബന്ധിച്ച് വാഹന നിയന്ത്രണത്തില് ഇളവ് ഏര്പ്പെടുത്തിയിട്ടുണ്ടെന്ന് ഡല്ഹി മുഖമന്ത്രി അരവിന്ദ് കെജ്രിവാള് അറിയിച്ചു. സിഖ് മതവിശ്വാസികളുടെ ആവശ്യപ്രകാരമാണ് നടപടിയെന്നും കെജ്രിവാള് കൂട്ടിച്ചേര്ത്തു.
വാഹന നിയന്ത്രണത്തില് ഇളവ് വരുത്തണമെന്ന് ആവശ്യപ്പെട്ട് എം.എല്.എ ജര്ണൈല് സിംഗിന്റെ നേതൃത്വത്തില് ഒരു സംഘം ഗതാഗത മന്ത്രി കൈലാഷ് ഘെലോട്ടുമായി കൂടിക്കാഴ്ച നടത്തിയിരുന്നു. സിഖ് മതവിശ്വാസികളെ പ്രതിനിധീകരിച്ച് മറ്റ് ചില സംഘങ്ങളും ഗതാഗത മന്ത്രിയുമായി കൂടിക്കാഴ്ച നടത്തിയിരുന്നു.
