ദക്ഷിണാഫ്രിക്കയിലേക്ക് നിസ്സാന് ഇന്ത്യ കാറുകളുടെ കയറ്റുമതി ആരംഭിച്ചു. 2010-ല് ഇന്ത്യയില് പ്രവര്ത്തനം ആരംഭിച്ചതു മുതല് 880,000 കാറുകള് നിസ്സാന് രാജ്യത്തു നിന്നും അന്താരാഷ്ട്ര വിപണികളിലേക്ക് കയറ്റുമതി ചെയ്തിട്ടുണ്ട്.
നിസാന്റെ ബജറ്റ് ബ്രാന്ഡായ ഡാറ്റ്സണ് ഗോ സിവിടി, ഗോ പ്ലസ് സിവിടി കാറുകളാണ് ചെന്നൈയിലെ പ്ലാന്റില് നിന്നും നിസ്സാന് ദക്ഷിണാഫ്രിക്കയിലേക്ക് കയറ്റുമതി ചെയ്യുന്നത്. 4,80,000 യൂണിറ്റ് നിര്മാണ ശേഷിയുള്ളതാണ് ഈ പ്ലാന്റ്.
ആഗോളതലത്തില് ഇന്ത്യയെ പ്രധാന നിര്മാണകേന്ദ്രമാക്കി വളര്ത്തിയെടുക്കാനുള്ള നിസ്സാന്റെ ശ്രമങ്ങള്ക്കുള്ള ഉറപ്പാണ് ഈ നേട്ടമെന്നും, അടുത്തിടെ പുറത്തിറക്കിയ സിവിടി സൗകര്യമുള്ള ഡാറ്റ്സണ് ഗോ, ഗോ പ്ലസ് കാറുകള്ക്ക് ഇന്ത്യന് ഉപഭോക്താക്കളില് നിന്ന് മികച്ച പ്രതികരണമാണ് ലഭിക്കുന്നതെന്നും ഈ കാറുകള് ദക്ഷിണാഫ്രിക്കയിലേക്ക് കയറ്റുമതി ചെയ്യാന് കഴിയുന്നതില് ഞങ്ങള്ക്ക് അഭിമാനമുണ്ടെന്നും റെനോള്ട്ട് നിസ്സാന് അലയന്സ് ഇന്ത്യ പ്രൈവറ്റ് ലിമിറ്റഡ് മാനേജിങ് ഡയറക്ടറും സിഇഒയുമായ ബിജു ബാലേന്ദ്രന് പറഞ്ഞു.
