മോഹന്ലാലിനെ കേന്ദ്രകഥാപാത്രമാക്കി പ്രദര്ശനത്തിനെത്തിയ പൃഥ്വിരാജ് ചിത്രം 'ലൂസിഫര്' ആദ്യമായി 200 കോടി ക്ലബ്ബില് ഇടം നേടിയ ചിത്രമാണ്. പൃഥ്വിരാജ് ആദ്യമായി സംവിധാനം ചെയ്ത ചിത്രം കൂടിയായിരുന്നു ഇത്. ചിത്രം തെലുങ്കിലേക്കും എത്തുകയാണെന്ന് അടുത്തിടെ വാര്ത്ത വന്നിരുന്നു. ഇതിനുപിന്നാലെയാണ് 'ലൂസിഫര്' റിമേക്കിനുളള പ്ലാനുകളും അതുസംബന്ധിച്ച് നടത്തിവന്ന ജോലികളും ചിരഞ്ജീവി അവസാനിപ്പിച്ചതായാണ് ഏറ്റവും പുതിയ റിപ്പോര്ട്ട്.
പകരം കൊരട്ടാല ശിവ സംവിധാനം ചെയ്യുന്ന ഒരു ഗ്യാങ്സ്റ്റര് മൂവിയില് അഭിനയിക്കാനാണ് അദ്ദേഹം ഒരുങ്ങുന്നത്. ഇതിനുമുന്പ് 'ലൂസിഫര്'റിന്റെ പകര്പ്പവകാശം താന് ചില നിര്മാതാക്കള് വഴി പൃഥ്വിയില് നിന്നും വാങ്ങിയെന്നും താന് ഇനി തെലുങ്കില് അഭിനയിക്കാന് പോകുന്ന അടുത്ത ചിത്രം ലൂസിഫര് ആയിരിക്കുമെന്നും അദ്ദേഹം നേരത്തെ പറഞ്ഞിരുന്നു. ഇതില് ചിരഞ്ജീവി നായകനായി വരുമെന്നുമുളള വാര്ത്ത ആഹ്ലാദത്തോടെയാണ് മലയാള സിനിമാ പ്രേക്ഷകരും കേട്ടത്.
ചിത്രത്തില് മോഹന്ലാല് അവതരിപ്പിച്ച സ്റ്റീഫന് നെടുമ്പളളിയായി ചിരഞ്ജീവിയും പൃഥ്വിരാജിന്റെ കഥാപാത്രത്തെ പവന് കല്യാണും ടോവിനോ തോമസ് അവതരിപ്പിച്ച കഥാപാത്രമായി രാംചരണും എത്താനായിരുന്നു പദ്ധതി. എന്നാല് ഇതുസംബന്ധിച്ച എല്ലാ പദ്ധതികളും ഇപ്പോള് നിര്ത്തിവച്ചിരിക്കുകയാണ്.
തുടര്ന്നാണ് കൊട്ടാല ശിവ സംവിധനാനം ചെയ്യുന്ന ഒരു ഗ്യാങ്സ്റ്റര് മൂവിയില് അഭിനയിക്കാന് താരം ഡേറ്റ് നല്കിയത്. മോഹന്ലാലിനെ നായകനാക്കി 'ജനതാ ഗാരേജ്' എന്ന മെഗാഹിറ്റ് സിനിമ ചെയ്ത സംവിധായകനാണ് കൊരട്ടാല ശിവ.
ചിരഞ്ജീവി രണ്ട് വ്യത്യസ്ത ഗെറ്റപ്പുകളില് എത്തുന്ന ചിത്രത്തില് തൃഷയായിരിക്കും നായിക. തെലങ്കാനയിലെയും ആന്ധ്രയിലെയും സമീപകാല സംഭവങ്ങളുടെ പശ്ചാത്തലത്തില് ഒരുങ്ങുന്ന ചിത്രത്തില് ചിരഞ്ജീവി അധോലോക നായകനായാണ് എത്തുന്നത്. മാറ്റിനി എന്റര്ടെയ്ന്മെന്റാണ് പേര് നിശ്ചയിച്ചിട്ടില്ലാത്ത ഈ സിനിമ നിര്മ്മിക്കുന്നത്. രാംചരണും നിര്മ്മാണ പങ്കാളിയാണ്.
തിയേറ്ററുകളില് ഏറ്റവും വലിയ ജനക്കൂട്ടം സ്യഷ്ടിക്കാന് കഴിവുളള താരമാണ് മെഗാസ്റ്റാര് ചിരഞ്ജീവി. എന്നാല്, 'ലൂസിഫറി'ന്റെ തെലുങ്ക് റിമേക്ക് തിയേറ്ററുകളില് വിജയിക്കില്ലെന്ന് വിദഗ്ദ്ധര് കരുതുന്നു. അതിനു കാരണം , 'ലൂസിഫറി'ന്റെ തെലുങ്ക് ഡബ് പതിപ്പ് പുറത്തിറങ്ങി, ഇത് ആമസോണ് പ്രൈമില് സ്ട്രീമിംഗിനായി ലഭ്യമാണ്. തെലുങ്കിലെ ഗണ്യമായ എണ്ണം പ്രേക്ഷകര് ഈ ചിത്രം ഇതിനകം കണ്ടുകഴിഞ്ഞു , സസ്പെന്സ് ഘടകം ഉള്ക്കൊളളുന്ന ചിത്രമായതുകൊണ്ട് ഇത് തീര്ച്ചയായും പരാജയപ്പെടുമെന്ന് വിദഗ്ദ്ധര് ചൂണ്ടികാട്ടുന്നു.
മുരളി ഗോപിയുടെ ശ്രദ്ധേയമായ തിരക്കഥയും പൃഥ്വിരാജ് സുകുമാരന്റെ സംവിധാന മികവുമായിരുന്നു മലയാളത്തിലെ 'ലൂസിഫറി'ന്റെ പ്രധാന ആകര്ഷണം. മാത്രമല്ല, ലൂസിഫറില് മോഹന്ലാല് അവതരിപ്പിച്ച കഥാപാത്രത്തിന് മാസ് എലമെന്റ് സിനിമയിലുടനീളം കുറവാണ്. മാസ് പ്രകടനത്തിന് പേരുകേട്ട നടനാണ് ചിരഞ്ജീവി, അതുകൊണ്ട് തന്നെ ചിരഞ്ജീവി സ്റ്റീഫന് നെടുമ്പളളിയായി എത്തുമ്പോള് അദ്ദേഹത്തിന്റെ പ്രകടനം അതിരികടന്നേക്കുമെന്ന് വിമര്ശകര് ആരോപിക്കുന്നു.
