നടന് ബിനീഷ് ബാസ്റ്റിനൊപ്പം വേദി പങ്കിട്ട് സംവിധായകന് അടൂര് ഗോപാല കൃഷ്ണന്. മാവേലിക്കര ബിഷപ്പ് മൂര് കോളേജ് യൂണിയന് ഉദ്ഘാടന ചടങ്ങായിരുന്നു വേദി. ലോക സിനിമയിലെ ഇതിഹാസത്തിനൊപ്പമെന്ന കുറിപ്പോടെ ബിനീഷ് ഫേയ്സ്ബുക്കില് ചിത്രം പങ്കുവെച്ചു.
പാലക്കാട് ഗവണ്മെന്റ് മെഡിക്കല് കോളേജ് യൂണിയന് സംഘടിപ്പിച്ച ചടങ്ങില് സംവിധായകന് അനില് രാധാകൃഷ്ണ മേനോന് അവഹേളിച്ചെന്ന് ബിനീഷ് വെളിപ്പെടുത്തിയത് വന് വിവാദത്തിന് വഴിയൊരുക്കിയിരുന്നു. ഈ പശ്ചാത്തലത്തിലാണ് അടൂരിനൊപ്പമുള്ള ബിനീഷിന്റെ ചിത്രം ശ്രദ്ധിക്കപ്പെട്ടത്.
തന്റെ സിനിമയില് അവസരം ചോദിച്ച് നടക്കുന്ന ഒരു മൂന്നാംകിട നടനൊപ്പം വേദി പങ്കിടാനാവില്ലെന്ന് സംവിധായകന് പറഞ്ഞതായും അതിനാല് പരിപാടി കഴിഞ്ഞ് വന്നാല് മതിയെന്ന് കോളേജ് അധികൃതര് ആവശ്യപ്പെട്ടതായും ബിനീഷ് വെളിപ്പെടുത്തിയിരുന്നു.
