തിരുവനന്തപുരം: ഫോണ് മോഷണം ആരോപിച്ച് തിരുവനന്തപുരം നഗരമധ്യത്തില് പതിനാലുകാരന് നേര്ക്ക് ഗുണ്ടാ ആക്രമണം. നീരജ് എന്ന കുട്ടിക്ക് നേര്ക്കാണ് ആക്രമണമുണ്ടായത്. നീരജിന്റെ കൈകാലുകള് ഗുണ്ടകള് അടിച്ചൊടിച്ചു. ആന്തരിക അവയവങ്ങള്ക്കും ഗുരുതരമായി പരിക്കേറ്റതായാണ് റിപ്പോര്ട്ട്.
കൊലക്കേസ് പ്രതികളടക്കമാണ് നീരജിനെ ആക്രമിച്ചത്. ഗുരുതരമായി പരിക്കേറ്റ കുട്ടി ഫോണിലൂടെ ബന്ധുവിനെ വിളിച്ച് സഹായം അഭ്യര്ത്ഥിച്ചാണ് രക്ഷപ്പെട്ടത്. കുട്ടിയെ ആക്രമിച്ച സംഘത്തിലെ രണ്ടു പേരെ അറസ്റ്റു ചെയ്തിട്ടുണ്ട്. രാജേഷ്, അരുണ് എന്നിവരെയാണ് പേട്ട പോലീസ് അറസ്റ്റു ചെയ്തത്.
