ന്യൂഡല്ഹി: വിന്ഡീസിനെതിരായ പരമ്പരയ്ക്കുള്ള ടീമില് മലയാളി താരം സഞ്ജു സാംസണ് തിരികെ എത്തിയതിനു പിന്നാലെ താരത്തിന് പിന്തുണയുമായി മുന് ഇന്ത്യന് താരം വി.വി.എസ് ലക്ഷ്മണ്. ഇന്ത്യന് വിക്കറ്റ് കീപ്പര് ബാറ്റ്സ്മാനായി തുടരുന്ന ഋഷഭ് പന്തിന് മുന്നറിയിപ്പ് നല്കിക്കൊണ്ടാണ് ലക്ഷ്മണിന്റെ പ്രതികരണം. ടീം മാനേജ്മെന്റ് അര്പ്പിച്ച സമയത്തിനോടും വിശ്വാസത്തോടും നീതിപുലര്ത്താനായില്ലെങ്കില് പന്തിന് ടീമിലെ സ്ഥാനം നഷ്ടമാകുമെന്നാണ് മുന്നറിയിപ്പ് നല്കിയിരിക്കുന്നത്.
ഇനിയും ഫോമിലേയ്ക്കുയര്ന്നില്ലെങ്കില് പന്തിന്റെ സ്ഥാനത്ത് സഞ്ജു സാംസണ് എത്തുമെന്നും ലക്ഷ്മണ് കൂട്ടിച്ചേര്ത്തു. വിന്ഡീസ് പരമ്പരയ്ക്കുള്ള ടീമില് സഞ്ജുവിനെ ഉള്പ്പെടുത്തിയത് പന്തിനുള്ള ശക്തമായ ാസന്ദേശമാണെന്നും അദേഹം കൂട്ടിച്ചേര്ത്തു.
അദേഹത്തിന് ഇതിനോടകം തന്നെ ധാരാളം അവസരങ്ങള് നല്കിക്കഴിഞ്ഞു. അത് തുടരുമെന്നും എനിക്ക് ഉറപ്പുണ്ട്. എന്നാല് അത്യന്തികമായി കളിക്കാരന് ടീം മാനേജ്മെന്റും സെലക്ഷന് കമ്മിറ്റിയും തന്നിലര്പ്പിക്കുന്ന ഈ വിശ്വാസത്തോട് നീതി പുലര്ത്തേണ്ടതായിട്ടുണ്ട്. എന്നാല് മത്സരത്തിന്റെ ഗതി മാറ്റാന് കഴിവുള്ള താരമാണ് പന്തെന്നും അദേഹം കൂട്ടിച്ചേര്ത്തു. അതേസമയം വരുന്ന ട്വന്റി20 ലോകകപ്പ് ടീമിലേയ്ക്കുള്ള അവസരത്തിന് സഞ്ജുവിനേക്കാള് സാധ്യത പന്തിന് തന്നെയാണെന്നും ധോണി കൂടി ഉള്ള സാഹചര്യത്തില് ഈ സ്ഥാനത്തിന് വെല്ലുവിളി ആകുമെന്നും അദേഹം കൂട്ടിച്ചേര്ത്തു. ബംാദേശിനെതിരായ ട്വന്റി20 പരമ്പരയ്ക്കുള്ള ടീമില് സഞ്ജുവിനെ ഉള്പ്പെടുത്തിയിരുന്നുവെങ്കിലും അദേഹത്തിന് ഒരു മത്സരത്തില് പോലും അവസരം നല്കാതെ വിന്ഡീസ് പരമ്പരയ്ക്കുള്ള ടീമില് നിന്ന് തഴയുകയായിരുന്നു. ഇതിനെതിരെ വന് പ്രതിഷേധവും ഉയര്ന്നതിനു പിന്നാലെ ഇന്നലെ സഞ്ജുവിനെ ടീമില് ഉള്പ്പെടുത്തുകയായിരുന്നു. ധവാന് പരിക്കേറ്റതോടെയാണ് സഞ്ജുവിന് ടീമിലേക്ക് വീണ്ടും വാതില് തുറന്നത്.
