തിരുവനന്തപുരം: സിനിമാ സെറ്റില് ലഹരി മരുന്ന് ഉപയോഗവുമായി ബന്ധപ്പെട്ട് രേഖാമൂലം പരാതി ലഭിച്ചാല് അന്വേഷണം നടത്തുമെന്ന് മന്ത്രി എകെ ബാലന്. പരാതികള് എഴുതി സമര്പ്പിക്കാമെന്ന് നിര്മ്മാതാക്കള് അറിയിച്ചിട്ടുണ്ട്. സിനിമാ രംഗത്ത് ഇനി നിയമ നിര്മ്മാണം ഉണ്ടാകും. ഇതിന്റെ കരട് തയ്യാറാണെന്നും മന്ത്രി വ്യക്തമാക്കി.
സിനിമാ രംഗത്ത് ലഹരിമരുന്ന് ഉപയോഗം രൂക്ഷമാണെന്ന ആരോപണം ശക്തമായി ഉയര്ന്നിരുന്നു. സമീപകാലത്ത് നടന്ന പല സംഭവ വികാസങ്ങളും സര്ക്കാരിന്റെ ശ്രദ്ധയില് പെട്ടിരുന്നു. ഇതോടെയാണ് സിനിമാ രംഗത്ത് ഇടപെടാന് സര്ക്കാര് ഒരുങ്ങുന്നത്.
യുവനടന്മാരും നടിമാരും ലഹരിമരുന്നുകള് ഉപയോഗിക്കുന്നതായി മുന്പും ആരോപണം ഉയര്ന്നിരുന്നു. ചില നടന്മാരും നടിമാരും ലഹരിമരുന്ന് ഉപയോഗത്തില് കേസ് നടപടി നേരിടുകയും ചെയ്തിരുന്നു. ഇത്തരത്തില് ആരോപണങ്ങള് കൂടന്നതോടെയാണ് സര്ക്കാര് വിഷയത്തില് ഇടപെടാന് തയ്യാറെടുക്കുന്നത്.
