ന്യൂഡല്ഹി: തിഹാര് ജയിലിലെ ആരാച്ചാരായി തന്നെ നിയമിക്കണമെന്ന് ആവശ്യപ്പെട്ട് രാഷ്ട്രപതിക്ക് ഷിംല സ്വദേശിയുടെ കത്ത്. ഷിംല സ്വദേശിയായ രവി കുമാര് ആണ് രാഷ്ട്രപതി റാംനാഥ് കോവിന്ദിന് കത്തയച്ചത്.
നിര്ഭയ കേസിലെ പ്രതികളുടെ ശിക്ഷ നടപ്പാക്കാന് വേണ്ടി താന് താത്്ക്കാലിക ആരാച്ചാരാകാന് തയാറാണെന്നായിരുന്നു യുവാവ് കത്തില് വ്യക്തമാക്കുന്നത്. നിര്ഭയ കേസിലെ പ്രതികളുടെ വധശിക്ഷ നടപ്പിലാക്കാനുള്ള തീയതി അടുത്തിരിക്കെ തിഹാര് ജയിലില് ആരാച്ചാര് ഇല്ലെന്ന റിപ്പോര്ട്ടുകള് പുറത്തുവന്നിരുന്നു. ഇതിനു പിന്നാലെയാണ് രവി കുമാര് തയാറായി രംഗത്തെത്തിയിരിക്കുന്നത്.
