പണ്ടൊക്കെ കല്യാണത്തിന്റെ അന്ന് മാത്രമായിരുന്നു ഫോട്ടോഷൂട്ടുകള് നടക്കുന്നത്. എന്നാല് ഇപ്പോള് കല്യാണത്തിന് മുന്പ് തന്നെ സേവ് ദ ഡേറ്റ് ഫോട്ടോഷൂട്ടുകള് നടക്കാറുണ്ട്. ചില ഫോട്ടോഷൂട്ടുകള് സോഷ്യല് മീഡിയയില് തരംഗമാകാറുണ്ട്. അങ്ങനെയൊരു ഫോട്ടോഷൂട്ടാണ് ഇപ്പോള് സോഷ്യല് മീഡിയയില് വൈറലായിരിക്കുന്നത്.
സംസ്ഥാനത്ത് പിന്സീറ്റില് യാത്രക്കാര്ക്ക് ഹെല്മറ്റ് നിര്ബന്ധമാക്കിയ സാഹചര്യത്തില് ഇത്തരത്തിലൊരു ഫോട്ടോഷൂട്ടിനെ പ്രശംസിച്ച് രംഗത്ത് എത്തിയിരിക്കുകയാണ് കേരളാ പോലീസ്. യാത്ര തുടങ്ങാം കരുതലോടെ എന്ന അടിക്കുറിപ്പുമായി രണ്ട് ഹെല്മറ്റുമായി നില്ക്കുന്ന വരന്റെയും വധുവിന്റെയും സേവ് ദ ഡേറ്റ് ചിത്രം പങ്ക്വെച്ച് കൊണ്ടാണ് കേരളാ പോലീസിന്റെ ഫേസ്ബുക്ക് പോസ്റ്റ്.
സൂക്ഷിച്ച് നോക്കണ്ടടട ഉണ്ണി ഇത് അത് തന്നെ... അനുകരണീയ മാതൃകയായതിനാല് ഇത് ഞങ്ങള് ഇങ് എടുക്കുവാ എന്ന അടിക്കുറിപ്പോടെയാണ് ഈ ചിത്രം കേരള പോലീസ് ഫേസ്ബുക്കില് പങ്കുവെച്ചത്.
