ദൃശ്യത്തിന് ശേഷം മോഹന്ലാലും ജീത്തു ജോസഫും വീണ്ടും ഒന്നിക്കുന്ന ചിത്രത്തിന് 'റാം' എന്ന് പേരിട്ടു. ചിത്രത്തിന്റെ ടൈറ്റില് വിഡിയോ പുറത്ത് വിട്ടിരിക്കുകയാണ് അണിയറ പ്രവര്ത്തകര്. 'ഹീ ഹാസ് നോ ബൗണ്ടറീസ്' എന്ന ടാഗ് ലൈനോടെയാണ് ചിത്രത്തിന്റെ ടൈറ്റില് പുറത്ത് വിട്ടിരിക്കുന്നത്. ചിത്രത്തിന് തെന്നിന്ത്യന് താരസുന്ദരി തൃഷയാണ് നായിക. ഹേയ് ജൂഡിനു ശേഷം തൃഷ എത്തുന്ന മലയാള ചിത്രം കൂടിയാണിത്.
ചിത്രത്തിന് മോഹന്ലാലിന്റെ ഭാര്യയുടെ വേഷത്തിലാണ് തൃഷയെത്തുക. വിവിധ രാജ്യങ്ങളില് ചിത്രത്തിന്റെ ഷൂട്ടിംഗ് നടക്കും. അടുത്ത വര്ഷം ഓണത്തിനാണ് ചിത്രം റിലീസ് ചെയ്യുക. ആശിര്വാസ് സിനിമാസിന്റെ ബാനറില് രമേഷ് പി പിള്ള, സുധന് പി പിള്ള എന്നിവരാണ് ചിത്രം നിര്മ്മിക്കുന്നത്.
ചിത്രത്തിന്റെ ടൈറ്റില് ലോഞ്ച് ചടങ്ങ് കൊച്ചിയിലാണ് നടന്നത്. ജീത്തു ഒരുക്കിയ ആദ്യ ബോളിവുഡ് ചിത്രം ദി ബോഡി ഈയടുത്താണ് തീയറ്ററുകളിലെത്തിയത്. തമിഴില് ജീത്തുവിന്റെ തമ്പി ഉടന് റിലീസിന് ഒരുങ്ങുകയാണ്. ജ്യോതികയും കാര്ത്തിയുമാണ് ചിത്രത്തില് പ്രധാന വേഷങ്ങള് അവതരിപ്പിക്കുന്നത്.
