2020 ജനുവരിയില് ഇന്ത്യയില് അവതരിപ്പിക്കാനൊരുങ്ങുന്ന ബൈക്കായ കെടിഎം 390 അഡ്വഞ്ചറിന്റെ ബുക്കിങ് ആരംഭിച്ചതായി സൂചന. 20,000 രൂപ അഡ്വാന്സ് തുക ഈടാക്കിയാണ് ബുക്കിങ് സ്വീകരിക്കുന്നത്. 3 ലക്ഷം രൂപയ്ക്ക് മുകളിലാണ് ബൈക്കിന്റെ വില പ്രതീക്ഷിക്കുന്നത്. 390 ഡ്യൂക്കിന്റെ ഓഫ് റോഡര് പതിപ്പാണ് പുതിയ 390 അഡ്വഞ്ചര്. റഗുലര് 390 ഡ്യൂക്കിനെക്കാള് ഒമ്പത് കിലോഗ്രാമോളം (158 കിലോഗ്രാം) ഭാരം അഡ്വഞ്ചര് പതിപ്പിന് കൂടും.
സ്പോര്ട്ടി എല്ഇഡി ഹെഡ്ലൈറ്റ്, ഫ്യുവല് ടാങ്ക് എക്സ്റ്റന്ഷന്, വില്ഡ് സ്ക്രീന്, നോക്കിള് ഗാര്ഡ്, ബാഷ് പ്ലേറ്റ്, വലിയ ഗ്രാബ് റെയില്, വീതിയേറിയ സീറ്റ്, സ്പോര്ട്ടി എക്സ്ഹോസ്റ്റ്, ഉയര്ന്ന ഹാന്ഡില് ബാര്, വലിയ ഡിജിറ്റല് ഇന്സ്ട്രുമെന്റ് ക്ലസ്റ്റര് എന്നിവ 390 അഡ്വഞ്ചറിനെ ആകര്ഷകമാക്കും. 858 എംഎം ആണ് വാഹനത്തിന്റെ സീറ്റ് ഹൈറ്റ്. മികച്ച റൈഡിങ് പൊസിഷനും 390 അഡ്വഞ്ചറില് കെടിഎം വാഗ്ദാനം ചെയ്യുന്നുണ്ട്. 14.5 ലിറ്ററാണ് ഫ്യുവല് ടാങ്ക് കപ്പാസിറ്റി.
അഡ്വഞ്ചര് യാത്രകള്ക്കായി ഡ്യുവല് പര്പ്പസ് ടയറും വാഹനത്തിലുണ്ട്. മുന്നില് 19 ഇഞ്ചും പിന്നില് 17 ഇഞ്ചുമാണ് വീല്. 373.2 സിസി സിംഗിള് സിലിണ്ടര് എന്ജിനാണ് അഡ്വഞ്ചര് മോഡലിനും കരുത്തേകുക. 44 എച്ച്പി പവറും 37 എന്എം ടോര്ക്കുമേകും ഈ എന്ജിന്.6 സ്പീഡാണ് ഗിയര്ബോക്സ്. സ്ലിപ്പര് ക്ലച്ച് സംവിധാനവും ഇതിലുണ്ട്. സുഖകരമായ യാത്രയ്ക്ക് മുന്നില് 43 എംഎം ഡുഎസ്ഡി ഫോര്ക്കും പിന്നില് മോണോഷോക്കുമാണ് സസ്പെന്ഷന്. സുരക്ഷയ്ക്കായി മുന്നില് 320 എംഎം ഡിസ്കും പിന്നില് 230 എംഎം ഡിസ്ക് ബ്രേക്കുമാണുള്ളത്. സ്വിച്ചബിള് എബിഎസ് സംവിധാനവും വാഹനത്തിലുണ്ട്.
